Parlament • 29 Aqpan, 2020

D.Nazarbaeva: Bizge agroónerkásipti damytýdyń strategııasy qajet

53 retkórsetildi

Senatta Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń uıymdastyrýymen agroónerkásip kesheni máselelerine arnalǵan Parlamenttik tyńdaý boldy. Bul týraly Parlament Senatynyń baspasóz qyzmeti habarlady. 

Senat Tóraǵasy Darıǵa Nazarbaeva óz sózinde aýyl turǵyndary júzege asyp jatqan memlekettik baǵdarlamalar aıasynda kóptegen járdemaqy men jeńildikter alyp kele jatqanyn atap ótti. «Sol baǵdarlamalar aýyl turǵyndaryna naqty tabys ákele me? Bizde memlekettik baǵdarlamalardyń nátıjeli ári tabysty júzege asýyna ne kedergi ekenin anyqtaýymyz kerek. О́ıtkeni baǵdarlamalardy ázirleý kezinde, memlekettiń bar kúshin salǵanyna qaramastan júıeli qatelikter ketedi. Ol óz kezeginde osy salanyń kóp jylǵyturalaýdan shyǵýǵa keri áserin tıgizedi», - dedi D.Nazarbaeva.

Senat depýtaty Dúısenǵazy Mýsın qazirgi ýaqyttaǵy osy salanyń negizgi máselelerine toqtaldy. Onyń ishinde aýyl sharýashylyǵy taýar óndirýshiler úshin aktıvter men jerdiń kepildik qunynyń tómendigi jáne ótimdi kepilderdiń bolmaýy. «Sýbsıdııalaý tıimdi jumys isteýi úshinjúıeni  jetildirý qajet. Bul rette aýyl sharýashylyǵy taýar óndirýshilerin barynsha qoldaı otyryp, negizinen sýbsıdııalaýdan arzan jáne uzaq merzimdi kredıtteýge birtindep kóshý máselesin kelesi qabyldanatyn memlekettik baǵdarlamada qarastyrýdyń qajettigi týyndaýda», - dedi D.Mýsın.

Senator sonymen qatar agroónerkásip kesheniınfraqurylymyn qarjylandyrý deńgeıiniń tómendigin, aýyl sharýashylyǵy men ónerkásip ónimderiniń, qyzmetterdiń, shıkizat pen azyq-túlik baǵalarynyń teńsizdigi jáne aýyl turǵyndarynyń óz kásibin uıymdastyrýy úshin qarajat pen bilimniń jetkiliksizdigin aıtyp ótti.

Senat Tóraǵasy osy taqyrypty jalǵastyra kelip, túrli qarjylyq ınstıtýttardy tartýdy jáne aýyl sharýashylyǵyn qarjylandyrý tetikterimen tásilderin qaıta qaraýdy usyndy. «Sýbsıdııa berýdiń quqyqtyq jaǵy zańda naqty anyqtalyp jazylý kerek. Bul negizgi máseleni zańnan keıingiaktiler deńgeıinde retteý qate boldy. Bul qatelik bizge qymbat túsip otyr», - dedi D.Nazarbaeva.

Shyǵys Qazaqstan oblysynan kelgen aýyl sharýashylyǵy taýaryn óndirýshi Farıd Abıtaev aýyl sharýashylyǵy men ǵylymnyń ózara is-qımylynyń paıdaly mysalyn keltirdi. 2013 jyldan bastap ǵylymmen aınalysqan kásiporyn jetistikterge jetken, qazir seleksııany damytýmen shuǵyldanyp keledi.

«Hlopkoprom-Sellıýloza» seriktestiginińdırektory Qaınar Abasov ońtústik óńirdegi sý tapshylyǵyn sheshýdiń balamasy retinde jańbyr sýy men sýarý boıynsha jańa tehnıkalardy qoldaný kerektigin aıtty.

«Zenchenko ı K» jaýapkershiligi shekteýli seriktestiginiń basshysy Gennadıı Zenchenko óz sózinde salany ártaraptandyrýǵa nazar aýdardy. «Bir ǵana bıdaıǵa qarap otyrýǵa bolmaıdy, sondyqtan durys kelemiz degen oıdamyn. Degenmenǵylym bizge soltústikte ne ósirý kerek jáne ońtústikte ne ósirý keregin aıtýy tıis», - dedi ol.

G.Zenchenko sondaı-aq sharýashylyqpen aınalysýdyń qymbatqa túsetinine erekshe toqtaldy. Olar tuqymdy ózderi satyp alady, tehnologııany da ózderi oılap tabady, al osynyń bári, onyń aıtýynsha, qur áýreshilik bolýy damúmkin.

Darıǵa Nazarbaeva Parlamenttik tyńdaýdy qorytyndylaı kelip, senatorlardyń usynymdaryn 9 bólimge jınaqtady jáne oǵan jan-jaqty toqtaldy. Senat Tóraǵasy talqylanǵan taqyryptyń mańyzdy ekenin atap ótip, osy sala elimizdiń árbir azamatyn tolǵandyratynyn jetkizdi. «Qazirgideı kelte oılaýdy qysqartý kerek. Bizde barlyq salada da strategııa bolýy tıis. Qatelikter men oń tájirıbelerimiz bizdi soǵan bastap keledi», - dedi ol.

Senat Tóraǵasynyń aıtýynsha, atalǵan saladaǵy qordalanǵan máseleler qoǵam jáne aýyl turǵyndarymen kásibı túrde jan-jaqty dıalogty talap etedi.

«Qazaqstan - bizdiń jerimiz. Biz ol úshin ata-babalarymyzdyń, balalarymyzdyń aldynda jaýaptymyz. Bizdiń syrtqy jaýymyz joq. Biz eshkimge eshqashan jerimizdi bermeımiz. Bizdiń basty dushpanymyz - jaýapsyzdyq, biliksizdik, sheshim qabyldaýǵa asyǵý, qaǵaz júzindegi esepter jaǵdaıyn durys túsinbeý, baǵalaı almaý jáne kúndelikti oryn alatyn máselelerge shapshań jaýap bere almaý», - dedi D.Nazarbaeva.

Senat basshysy agroónerkásip keshenisalasynyń damýyndaǵy tejegishterdi egjeı-tegjeıli anyqtaý maqsatynda aldaǵy ýaqytta aýqymdy jumystar kútip turǵanyn jáne Úkimetke jiberiletin usynymdardy tııanaqty túrde pysyqtaý kerektigin aıtty.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar