Úshinshi megapolıs basshysynyń bastamasymen Naýryz merekesi qarsańynda uıymdastyrylǵan sharada qala aýmaǵy qoqystan tazartylyp, kóshet otyrǵyzyldy.
«Qalamyzdyń atynyń ózi qaıyrymdylyq uǵymyn aıtyp turǵandaı. TMD elderiniń Mádenı astanasy jylyna oraı qala kósheleri tazartylýdan tyskópqabatty turǵyn úılerdiń syrtqy qaspeti jóndeýden ótkizilýde. Buǵan jergilikti kásipkerler men eriktiler óz úlesterin qosýda», dedi Murat Dúısenbekuly.
Búgingi jalpyqalalyq senbilikke 60-tan astam arnaıy tehnıka jumyldyryldy. Barlyǵy 210 345 sharshy metr aýmaqtan 295 tekshe metr qoqys qala syrtyna shyǵarylyp, 385,4 metr ırrıgasııalyq aryq, 31 271 sharshy metr jol jıegi tazalandy. Sonymen qatar, jasyl jelekti túrli zııankesterden qorǵaý maqsatynda 8160 aǵash əktelip, N.Nazarbaev dańǵyly, Arǵynbekov, Jangeldın kóshelerine, Qoshqar ata ózeni men Dendrosaıabaqqa 6000-ǵa jýyq kóshet otyrǵyzyldy.
