Qazaqstan • 01 Naýryz, 2020

Koronavırýstyń aldyn alý sharalaryn kúsheıtý týraly qaýly qabyldandy

124 retkórsetildi

Bas memlekettik sanıtarlyq dáriger 2020 jylǵy 25 aqpanda «Qazaqstan Respýblıkasynda koronavırýstyq ınfeksııanyń aldyn alý sharalaryn odan ári kúsheıtý týraly» qaýly qabyldady, ol bıylǵy jyldyń 1 naýryzynan bastap kúshine enedi.  Bul týraly Densaýlyq saqtaý mınıstrliginiń taýarlar men kórsetiletin qyzmetterdiń sapasy men qaýipsizdigin baqylaý komıtetiniń Facebook paraqshasynda jarııalandy.

«Osy qaýlyǵa sáıkes COVID – 19 jaǵdaılary tirkelgen elder 3 sanatqa bólinedi. Jiktemege baılanysty osy elderden Qazaqstanǵa kelgen adamdarǵa qatysty epıdemııaǵa qarsy is-sharalar júrgiziletin bolady» delingen habarlamada.

1 a) sanat: bul koronavırýstyq ınfeksııamen ( QHR, Iran) aýrýshańdyq boıynsha qolaısyz elderden kelgen adamdar.

Olardyń barlyǵy 14 kúnge oqshaýlaýmen karantınge ornalastyrylady. Sodan soń, taǵy 10 kún ishinde shyqqannan keıin, olar medısınalyq baqylaýda bolady uıymdarynda medısınalyq-sanıtarııalyq alǵashqy kómek (budan ári - MSAK)  turǵylyqty meken-jaıy boıynsha. Kúndelikti telefon shalý arqyly densaýlyq jaǵdaıyn anyqtaıtyn bolady.

1 b) sanat: bul QHR Gonkong SAR, QHR Makao SAR, Taıvan (QHR), Ońtústik Koreıa, Japonııa, Italııadan kelgen tulǵalar.

Olardyń barlyǵy adamdar kóp jınalatyn jerlerge barýdan úıde oqshaýlanady. Olarǵa 14 kún ishinde turatyn (bolatyn) jeri boıynsha BMSK qyzmetkerleriniń kúndelikti baqylaýy belgilenetin bolady.  Odan keıin taǵy 10 kún ishinde turatyn jeri boıynsha BMSK uıymdarynda medısınalyq baqylaý júrgiziledi(kún saıynǵy qońyraý shalý).

2 sanat: Sıngapýrdan, Taılandtan, Ázirbaıjannan kelgen adamdar.

Olardy BMSK medısına qyzmetkerleri turatyn(bolatyn)jeri boıynsha 14 kún ishinde qadaǵalaıtyn bolady. Odan ári medısınalyq baqylaý kún saıyn qońyraý shalý arqyly 10 kún ishinde júzege asyrylady.

3 sanat: Germanııa, AQSh, BAÁ, Ulybrıtanııa, Fransııa, Bahreın, Kýveıt, Ispanııa, Malaızııadan kelgen tulǵalar.

Barlyǵy Qazaqstan shekarasynan ótken kúnnen bastap 24 kún ishinde qońyraý shalý arqyly turǵylyqty jeri boıynsha BMSK medısınalyq qadaǵalaýynda bolady.

Búgingi kúni Qazaqstanda koronavırýstyq ınfeksııa tirkelgen joq.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar