Jaqynda Nur-Sultan qalasynda Qazaqstan musylmandary dinı basqarmasynyń tóraǵasy Naýryzbaı qajy Taǵanuly Aıagóz qalasynan kelgen delegasııany qabyldady.
Kezdesýge Aıagóz aýdandyq máslıhatynyń hatshysy Seıilbek Ysqaqov, aýdandyq máslıhat depýtaty Nurlanbek Tólegenuly, aýdan ımamy Dýman Nádiruly, QMDB Aqparat jáne qoǵammen baılanys bóliminiń meńgerýshisi Marat Bektazınov, sonymen qatar óńirdegi bir top jamaǵat pen din janashyrlary qatysty.
Delegasııany bastap kelgen máslıhat hatshysy Seıilbek Ysqaqov Bas múftıdi jańa qyzmetke saılanýymen quttyqtap, aýdan ákimi Dildábek Tájibaıulynyń ıgi tilegin jetkizip, quttyqtaý hatyn oqyp berdi. «Siz Aıagóz aýdanynda bas ımam bolǵan jyldary birqatar ıgi jobalardy júzege asyrdyńyz. Sizdiń bastamańyzben aýdanymyzda birneshe meshit salyndy. Jergilikti jurtshylyq bul izgi isińizge áli kúnge deıin dán rıza. Sizdiń Bas múftı bolyp saılanýyńyz barsha Aıagóz aýdanynyń turǵyndaryn shat-shadyman kúıge bóledi. Alla ár isińizge jar bolsyn!» dedi S.Ysqaqov. Aýdan basshylyǵy men jurshylyǵynyń duǵaı sálemin jetkizgen máslıhat hatshysy Bas múftıge «Aıagóz maqtanyshy» tósbelgisin tabystady.
Naýryzbaı qajy Taǵanuly jergilikti basshylyq pen jamaǵattyń rııasyz rızashylyǵy men izgi nıetine alǵysyn bildirip, el ıgiligi jolynda birlese qyzmet etýge úndedi.
Shyǵys Qazaqstan oblysy,
Aıagóz aýdany
