Sonymen birge jylylyq ala kelgen kóktemniń alǵashqy kúninde taǵdyrdyń jazýymen qazaq jerine eriksiz qonys aýdarylǵan túrli etnos ókilderi – qazaq halqyna degen sheksiz qurmet pen taǵzymyn tereń tolǵanys ústinde jetkizdi.
Alǵys aıtý kúni berekeli birlik pen tatý-tátti tirlikke bastaı alatyn saýaby mol adam kóńil-kúi tolqyny. Sońǵ jyly 1 naýryz ortaq taǵdyr toǵystyrǵan respýblıka azamattary men turǵyndarynyń bir-birine shynaıy alǵys sezimderi men rızashylyǵyn bildiretin dataǵa aınalyp keledi. Osy arqyly tutastaı elimizde tynyshtyq pen túsinistik saltanat qura alady. Biz búgin osyndaı mereıli sát ústinde turmyz. Bul rette ózara qurmet pen syılastyq ahýaly bizdi jańa bıikter men belesterge bastaı beretinine senimi mol dedi, -dedi óńir turǵyndaryn Alǵys aıtý kúnimen quttyqtap sóz sóılegen Aqtóbe oblysynyń ákimi Ońdasyn Orazalın.
Sondaı-aq ótken jeksenbide túrli etnostardyń qazaq jerine qonystanýy týraly naqty tarıhı derekter men málimetter arqaý etilgen «Myń alǵys saǵan, Qazaq eli!» atty beınefılmder toptamasy tanymdyq turǵydan mol áser qaldyrdy. Bul kún «syńǵyrlap óńkeı kelisim, tas bulaqtyń sýyndaı» dep dana Abaı aıtqandaı túr men mazmun tel tógilgen shyn mánindegi merekelik kóńil-kúı aýanyn týǵyzdy. Aqtóbede 1 naýryz alǵys aıtý kúnine arnalǵan mádenı kópshilik is-sharalar shoǵyry Qazaqstan halqy Assambleıasy janyndaǵy etno-mádenı birlestikterdiń merekelik baǵdarlamasymen túıindeldi.
