Aqmola oblysy prokýratýrasynyń qyzmetkeri A.Ákimov mas kúıinde qalalyq meshittiń aýlasynda dáret syndyrǵany úshin qyzmettik tekseris qorytyndysynan keıin jumysynan qýyldy. Bul týraly BNews.kz tilshisine oblystyq prokýratýranyń baspasóz qyzmeti habarlady.
«Prokýratýra qyzmetkeri A.Ákimovtiń qyzmettik etıkany buzý oqıǵasy boıynsha Aqmola oblysynyń prokýratýrasy qyzmettik tekserý jumystaryn júrgizgen bolatyn. Oǵan A.Ákimovtiń Kókshetaý qalasynda 2013 jyly 19 shildede saǵat 00:10 shamasynda mas kúıinde D.Muhametjanovtyń kóligin soǵýy sebep bolǵan», - dep habarlady baspasóz qyzmetinen.
Tártip komıssııasynyń sheshimimen Qazaqstan Prokýratýrasy organdary men mekemeleriniń Ar-namys kodeksin buzǵany úshin jáne prokýratýra organdary qyzmetkeriniń bedelin túsirgeni úshin A.Ákimovti qyzmetinen bosatý jáne tártiptik jaýapkershilikke tartý usynyldy.
«Oblys prokýrorynyń buıryǵymen prokýratýra organdarynyń atyna kir keltiretin áreket jasaǵany úshin kishi ádilet keńesshisi A.Ákimov qyzmetinen bosatylyp, Aqmola oblysy prokýratýra organarynan qýyldy», - dep naqtylady prokýratýradan.
Esterińizge sala keteıik, oblystyq prokýratýra qyzmetkeri «taraýyq-namaz» kezinde meshitke mas kúıinde kelip, dál meshittiń aýlasynda dáret syndyrǵan. Sodan keıin kóligine minip ketpek bolǵan ol qasynda jolyn bógep turǵan avtokólikti soǵady. Bul shýly oqıǵa meshittiń syrtynda ornatylǵan beınekameraǵa jazylyp qalǵan eken.
Qurysh Nurymbet.
