Mereke keńinen atalyp ótti

Merekelik shara bary­syn­da ulttyq kıim kıgen etno­má­denı birlestik tóra­ǵal­a­ry men ardagerleri jergilikti jurt­shy­lyqpen amandasyp, dostyq ráýishterin bildirdi. Sonymen qatar kelýshilerge 12 túrli ult­tyq taǵamnan ázirlengen Alǵys da­starqany jaıyldy. Kóne sha­har turǵyndary merekelik das­tarqannan dám tatsa, túrik, orys, kúrd, ázer­baı­jan, dún­gen etnosynyń ókilderi qazaq halqyna alǵys­ta­ryn jet­kiz­di. Kópshilik bir-birimen qushaq­tas­yp, qol alysyp, ózderiniń aq nıetin bildirdi.

­Saltanatty sharany Jam­byl oblysynyń ákimi Berdibek Saparbaev sóz bastap, óńir tur­ǵyndaryn mere­ke­le­ri­men qut­tyqtady. «Alǵys aıtý kúni – tarıhtyń túrli kezeń­derinde qazaq halqynyń baýyr­mal­dyǵyna bólengen túrli etnos ókilderiniń kıeli qazaq jeri men qonaqjaı qazaq halqyna degen tereń taǵzymynyń ashyq belgisi. Rasynda, ótken tarıh­ta taǵdyr taýqymetimen Uly dala tósine ár jyldarda bútin­deı bir halyqtar – 800 myńǵa jýyq nemis, 102 myń polıak, 550 myń Soltústik Kavkaz ha­lyq­tarynyń ókilderi, Qıyr Shy­ǵys­taǵy 18 myńnan astam koreı otbasylary qonys aýdardy. Búginde bizdiń qasıetti Jambyl jerinde 87 etnos, 21 etnomádenı birlestik ókilderi Assambleıa quramynda birlik pen tatýlyqta ómir súrýde. Oblysymyzda kúrd, túrik, dún­gen jáne ózge de etnos­tar tyǵyz shoǵyrlanǵan 5 aýdan bar. Kópetnostyq – biz­diń basymdyǵymyz, birlik – sar­qylmas baılyǵymyz», dedi ákim. Sonymen qatar Qazaqs­tannyń Halyq ártisi, Memlekettik syılyqtyń laýreaty Tuńǵyshbaı Jamanqulov ta óziniń lebizin jetkizdi. «Biz, qazaq degen qushaǵymyz keń, aqkóńil, adal, ańǵal halyqpyz. Bizdiń baýyrymyzǵa qanshama halyqtar, ulttar, syıyp ketip jatyr. Bizdiń eń keremet qasıetterimizdiń biri bul», dedi ol. Sondaı-aq «Polonez» polıak etnomádenı birlestiginiń jetekshisi Larısa Kalkova, «Barbang» kúrdter assosııasy oblystyq aqsaqaldar keńesiniń múshesi Sabrı Asanov barsha etnostardyń atynan qazaq halqyna alǵysyn bildirdi.

Merekelik shara barysyn­da túrli etnostardyń qazaq je­­ri­ne qonystanýy týrasyn­da teatr­landyrylǵan qoıy­lym qoıylyp, sońy óner juldyz­da­rynyń konsertine ulasty. Sondaı-aq Qordaı aýdanyndaǵy Masanchı aýylynda 2000 adamdy qamtıtyn «Birligi jarasqan, týǵan jerim – Qordaıym» atty Alǵys aıtý festıvali ótti. Mere­kelik sharaǵa jınalǵan kó­psh­ilik aýdan ortalyǵy Qor­daı aýylyndaǵy Noǵaıbaı bı eskert­kishine gúl shoqtaryn qoıdy. Sonymen qatar Alǵys dastar­qany jaıylyp, Qordaı, Qara­kemer, Qarasý aýyldarynan kelgen turǵyndar dastarhannan dám tatty. Alǵys aıtý kúnine oraı óńirde bastaý alǵan sharalar Naýryz aıyndaǵy merekelerde jalǵasyn tabady.

Jambyl oblysy