Arystaǵy aǵaıyn Jetisý jurtyna alǵys aıtty

– Men jaqynda Taldyqorǵan­ǵa arnaıy baryp, oblys ákimi Amandyq Batalovtyń esep berý jıynyna qatysqan edim. Jına­lystan soń arnaıy sóz surap, syn saǵatta Arys halqynyń qıyn­­­dyǵyn bólisip, janymyz­dan ta­bylǵan, qıraǵan úı-jaıy­myz­dy qalpyna keltirýge kómek ber­gen Jetisý jurtyna, ákim­shi­lik qyzmetkerlerge, qurylys­shylar­ǵa rahmetimdi aıttym. Alǵys aıtý kúnine oraı jerlesterimniń atynan sizderdiń gazet arqyly taǵy da rızashylyǵymyzdy jetkizgimiz keledi, – deıdi Arys qalasynyń turǵyny Roza Ábdirahmanova.

О́tken jyly Arys qalasynda ornalasqan áskerı qarý-jaraq qoımasynda jarylys bolyp, beıbit turǵyndar zardap shekken-di. Kóptegen úı qırap, myńdaǵan adam baspanasyz qaldy. Arys tragedııasynyń saldaryn joıýǵa tutas Qazaqstan jurty jumy­lyp, memleket tarapynan arnaıy shara qabyldanǵan edi. Qala­daǵy qıraǵan úılerdi jóndeýge elimizdiń barlyq aımaǵy kirisip, oblys ákimdikterdi ár aýmaq bo­ıynsha jaýapty boldy. Qalypqa keltirý jumystaryna Almaty oblysy da bel sheshe kirisip, qu­rylysqa qarqyn qosty.

– Arys oqıǵasy Jetisý hal­qy­nyń da qabyrǵasyn qaıys­­tyrdy. Turǵyndar zardap shekken adamdarǵa erikti túr­de kómek kórsetýdi qolǵa alyp, azyq-tú­lik, kıim-keshek, qurylys­qa qa­jetti zattar jınaýdy uıym­dastyryp, aqshalaı da kómek berýge kiristi. Oblystan birneshe ret qaıyrymdylyq kerýeni ja­saqtalyp, Arysqa jóneltildi. Munyń bári qazaq halqynyń qıyn­dyqty birge jeńýge jumyla­tyn aýyzbirligin kórsetti. Al Mem­leket basshysy Qasym-Jomart Toqaev Arys qalasyna ar­naıy baryp, turǵyndarmen kezdesti. Osy joly zaqymdanǵan úı men ǵımarattardy tolyq jón­deýge tapsyrma berdi. Bul aýyrt­palyqty ár oblys kóteretin boldy. Qalany jekelegen sektorǵa bólip qalypqa keltirýdiń jolyn aıtty. Almaty oblysy­nyń úle­sine 15 ýchaske tıdi. Biz qalyp­qa keltirý jumysyn jedel bastadyq. Sondaı-aq Arys mektepterinde oqıtyn 150 balany Jetisýdyń tabıǵaty tamasha shıpajaılarynda tegin demalý­ǵa shaqyryp, jazǵy kanıkýldi qyzyqty ótkizýge kúsh saldyq, – dep eske alady bul týraly oblys ákimi Amandyq Batalov.

Byltyr Arys qalasyn qal­py­na keltirýge Almaty oblysy­nyń bıýdjetinen 1 mlrd 393 mln teńge bólingen eken. Budan bó­lek el Úkimetiniń qosal­qy qo­­ry­­nan bólingen 1 m­lrd teń­ge qarjyny da oblys­tyń qurylys kompanııalary ıge­rip, qalpyna keltirý jumys­taryna jum­sa­dy. Jetisý­lyq qury­lys­shy­­lar jóndeý jumystaryn tolyq aıaq­tap, turǵyn úı men ǵımarat­­­tar­dy kórsetilgen merzimde paı­da­lanýǵa berdi. Iаǵnı, 802 jeke bas­­pana tolyqtaı jańǵyrtylyp, 18 turǵyn úıdiń qurylysy der kezinde bitti.

– О́tken jyldyń 24 maýsymy – arystyqtardyń basyna aýyr qaıǵy túsken kún retinde esimizde qaldy. Oryn alǵan tótenshe jaǵ­daı halqymyzdyń qabyrǵasyn qaıystyrdy. Memleket basshysy Qasym-Jomart Toqaev arnaıy kelip, qazaqstandyqtardy Arys­qa kómek qolyn sozyp, qalany qalpyna keltirýge shaqyrdy. Osydan keıin elimizdiń túkpir-túkpirinen Arysqa kómek aǵyldy. Qalany qalpyna keltirýdiń jos­pary jasalyp, turatyn aýma­ǵy­myz 17 bólikke bólindi. Solar­dyń ishindegi turǵyn úıleri, áleýmet­tik, kommersııalyq nysandary kóp, adamdar tyǵyz ornalasqan biz turǵan aýmaqty qalpyna kel­tirý mindeti Almaty oblysyna berildi. Jetisýlyqtarǵa dán rızamyz. Oblys ákiminiń birinshi oryn­basary Lázzat Turlashev bastaǵan top jaz boıy Arysta, qurylys basynda júrdi. Amandyq Batalovtyń ózi de birneshe ret kelip, jumysty kórdi. Biz kún sýy­ǵanǵa deıin baspanamyz jón­del­se degen tilekpen júrdik. Rah­met, jetisýlyqtar azamat eken. Arada birneshe aı ótpeı qala qal­pyna kelip, úılerimiz jóndeldi, keıbiri jańadan salyndy. 2020 jyldy sol jańa úıimizde qarsy aldyq. Jetisý jurtynan aınalaıyn, – deıdi Arys qalasynyń turǵyny Roza Ábdirahmanova.