«Meksıkalyq tyńdarmandar Dımashqa sálem joldap, elderine shaqyrýda. Yqylastaryńyz úshin kóp rahmet, dears!», - dep jazdy Qanat Aıtbaev.
Meksıkalyq jankúıerler súıikti ánshisine arnaǵan vıdeosyn erekshe etip túsirgen. Olar qaladaǵy eń ádemi oryndy tańdap, Dımashtyń sýreti beınelengen arnaıy plakattar, bannerler daıyndaǵan. Sóıtip, qolyna Qazaqstannyń týyn ustap, ánshini Meksıkaǵa kelip, konsert ótkizýge ánmen shaqyrady.
«Latyn Amerıkasyndaǵy tyńdarmandarym maǵan jyp-jyly vıdeo joldapty. Meni qalaı qoldaıtyndaryńyzdy bilem. Jaqyn arada qaýyshamyz degen úmittemin. Shaqyrǵandaryńyz úshin kóp rahmet. О́te rıza boldym», - dep alǵys bildirdi Instagram paraqshasynda Dımash.
