«Búgingi tańda Qytaıdan 480 qazaqstandyq evakýasııalandy. 2020 jyldyń 3 aqpanynan bastap Qytaıdaǵy barlyq sheteldik azamattarǵa vıza berý toqtatyldy. 5 naýryzdan bastap Ázerbaıjanǵa ushatyn reıster qysqaryp, Iran azamattarynyń Qazaqstanǵa kirýine tyıym salyndy. Bizdiń azamattarǵa epıdemıologııalyq qaýpi joǵary elderge barýdan bas tartýǵa keńes beriledi », - dedi ol.
Mınıstrdiń aıtýynsha, bul elderde 95 myńnan astam Qazaqstan azamattary turady, olardyń 35 myńy - Koreıada, 40 myńy - Amerıkada, 5100 – BAÁ-de, 5000 - Germanııada, 3000 - Ulybrıtanııada, 1800 - Italııada, 1000 adam Fransııada.
«Olardyń kópshiligi stýdentter, mıgranttar, sheteldik mekemelerdiń qyzmetkerleri jáne olardyń otbasylary, týrıster men bıznesmender. Eger epıdemıologııalyq jaǵdaı nasharlasa, qazaqstandyqtardy evakýasııalaý máselesi ýaqytynda qaralady. Búgingi tańda shetelde júrgen qazaqstandyqtardyń arasynda koronavırýs aýrýy tirkelgen joq», - dedi Syrtqy ister mınıstri.
