Saýda jáne ıntegrasııa mınıstri Baqyt Sultanov Úkimet otyrysynda saýdany damytýdyń jańa tujyrymdamasyn tanystyrdy. Mınıstrdiń sózinshe, saýda Qazaqstannyń JIО́-niń 17 paıyzyn quraıdy. 2019 jyldyń qorytyndysy boıynsha salanyń ósý qarqyny 7,6 paıyzdy quraǵan. Al jumyspen qamtylǵan qyzmetkerlerdiń sany 1,4 mln adamǵa jetken. Qazaqstannyń syrtqy saýda aınalymy 96,1 mlrd dollar bolyp otyr.
«Ázirlenip jatqan memlekettik baǵdarlamanyń maqsaty – naryqty sapaly ónimmen tolyqtyrýdy jáne eksporttyq taýarlar men qyzmetterdiń básekege qabilettiligin qamtamasyz etetin zamanaýı saýda júıesin qurý jáne damytý», - dedi ol.
«Qujatta qolaıly tutyný ortasyn qurýǵa, halyqty sapaly jáne qaýipsiz taýarlarmen qamtamasyz etýge, sondaı-aq qazaqstandyq taýarlar men qyzmetterdiń syrtqy naryqtarda básekege qabilettiligin arttyrýǵa baǵyttalǵan baǵdar ornatylýy tıis. Sondaı-aq halyqaralyq yntymaqtastyq aıasynda ulttyq múddelerdi qorǵaý jáne ilgeriletý ázirlenip jatqan baǵdarlamanyń basty maqsattarynyń biri bolýy kerek», - dedi Úkimet basshysy Asqar Mamın.
