Qoǵam • 02 Naýryz, 2020

STEM oqytý ádisi elordalyq oqýshylardyń oqý úlgerimin qalaı jaqsartady?

18 retkórsetildi

STEM-zerthanalar elordalyq mektepterdiń jartysynan astamyna sátti engizildi. Bul týraly qala ákimdiginiń baspasóz qyzmeti habarlady.

Innovasııalyq tehnologııalar jaratylystaný ǵylymdaryn matematıkaǵa, tehnologııaǵa jáne ınjenerlik iske biriktirýge múmkindik beredi.

«STEM Academia» ǵylymı damý jáne zertteýler jónindegi dırektory Maǵjan Qystaýbaev STEM zerthanasy – bul birinshi kezekte mektep oqýshylary óz bilimderin qoldana alatyn alań ekenin túsindiredi. Oqýshylar sabaqty robotty jınap úırený úshin oqıdy. Kóptegen termınder men úrdisterdi tek qana oqýlyqtan meńgerý ońaı emes. Al STEM-zerthanada bilim alatyn oqýshylar gıdravlıkalyq ekskavator qurý arqyly gıdravlıka prınsıpterin kórneki mysalda ońaı ıgere alady.  

Sondaı-aq Maǵjan STEM úlgisindegi oqytý mektep túlekteriniń básekege qabilettiligin arttyratynyn aıtty, óıtkeni oqý mekemesin aıaqtaǵannan keıin oqýshynyń odan ári jumysqa ornalasý úshin qajetti praktıkalyq daǵdylary bar. 3D prınter, lazerlik stanoktar, kópfýnksıonaldy dron jáne t.b. qamtıtyn jańa jabdyqtardyń arqasynda balalar óz ıdeıalaryn oqý prosesinen úzbeı júzege asyrady.

№41 mekteptiń 20 jyldyq eńbek ótili bar ınformatıka pániniń muǵalimi Nıkolaı Sereda oqýshylardyń fızıka, hımııa, ınformatıka jáne jaratylystaný sııaqty qıyn pánderge degen qyzyǵýshylyǵynyń artqanyn aıtty. Sonymen qatar muǵalim balalar ıgergen bilim sapasynyń jaqsarǵanyn, eksperımentter jasaýdaǵy qyzyǵýshylyqtyń artqanyn jáne óz jobasyn júzege asyrýdaǵy umtylysty atap ótti.

Qalanyń basqa da mektepterinde STEM-zerthanalaryn engizý josparlanyp otyr.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar