Vıdeo • 02 Naýryz, 2020

Elordada ınvataksı kólikteriniń sany artty (vıdeo)

22 retkórsetildi

Elordada ınvataksı kóliginiń sany artyp, múmkindigi shekteýli balalarǵa kreslo-arba syıǵa tartyldy. Demeýshilik qarajat esebinen 10 arnaıy kólik satyp alyndy. Bul týraly qala ákimdiginiń baspasóz hatshysy Aqmaral Oljabaeva habarlady.

"Qaırat Boranbaev elimizdiń jetekshi mesenattarynyń biri. Ol múmkindigi shekteýli adamdarǵa jaǵdaı jasaýǵa kómektesip, ınvataksı máshınesin satyp alýǵa nıet bildirdi. Bul kólikter sońǵy álemdik standarttarǵa saı jabdyqtalǵan jáne beıimdelgen", - dedi "Almaly" AA vıse-prezıdenti Baqyt Saparov.

Elorda ákimi Altaı Kólginov qatysýshylardy Alǵys kúnimen quttyqtap, erekshe qajettiligi bar adamdardy qoldaý úshin qandaı sharalar qabyldanatynyn atap ótti.

"Memleket erekshe qajettiligi bar adamdarǵa qoldaý kórsetýge erekshe kóńil bóledi. Qala turǵyndarymen kezdesý barysynda olar arnaıy kólikterdiń jumysy týraly birqatar másele aıtty. Qaırat Sovetaıulyna, úkimettik emes uıymdardyń ókilderine jáne basqa da mesenattarǵa kórsetken qoldaýy úshin alǵys aıtamyn. Sońǵy ýaqytta ınvataksıdiń sany eki ese ósti. 22-den 46 deıin kólik sanyn arttyrdyq. Aldaǵy ýaqytta da qoldaý kórsetip, qajetti sharalar qabyldaıtyn bolamyz", - dedi qala ákimi Altaı Kólginov.

Elordada erekshe qajettiligi bar 27 myń adam turady, onyń 5,5 myńy balalar. Qalada eki ońaltý ortalyǵy salynady, qazir ıppoterapııamen aınalysýǵa arnalǵan at sporty kesheniniń qurylysy júrgizilip jatyr. Qalalyq aýrýhana bazasynda Tuńǵysh Prezıdent Qorymen birlese ońaltý ortalyǵy ashylady. Budan basqa, jańa turǵyn úı keshenderiniń birinshi qabattarynda balalarǵa arnalǵan shaǵyn ortalyqtar, ońaltý ortalyqtary, emhanalar sııaqty áleýmettik nysandar ashylady.

Elordada múmkindigi shekteýli adamdarǵa sportpen aınalysý úshin bilikti qyzmetkerleri bar zamanaýı eki sport kesheni usynylǵan: paralımpıadalyq jattyǵý ortalyǵy jáne "Tarlan" muz aıdyny.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar