2020 jylǵy 1 qańtardaǵy jaǵdaı boıynsha 34 301 obektiniń (mektepter, aýrýhanalar, kitaphanalar, mádenıet úıleri, temirjol jáne avtovokzaldar, áýejaılar jáne t.b.) jalpy sanynan jergilikti atqarýshy organdar 33 642 obektige pasporttaý júrgizdi.
Múmkindikteri shekteýli adamdar úshin qoljetimdi orta jaǵdaılarynyń saqtalýyn, ıaǵnı pandýstardy, dybystyq / vızýaldy / akýstıkalyq / sezgish qurylǵylardy, aqparattyq belgilerdi ornatýdy, turaq úshin oryndar bólýdi jáne t. b. qamtamasyz etý úshin pasporttaý júrgizildi, mundaǵy maqsat árbir qazaqstandyq óziniń densaýlyǵyna qaramastan, osy obektilerge kire alýy kerek.
Pasporttalǵan obektilerdiń jalpy sanynan 24 452 obekt beıimdelýge jatady, onyń ishinde 23 314 obekt beıimdeldi. Osylaısha, pasporttalǵan obektilerdiń jalpy sanynyń 96,6% beıimdelýi qamtamasyz etildi.
Obektilerdi 100% beıimdeý Almaty qalasynda, Shyǵys Qazaqstan, Soltústik Qazaqstan, Qaraǵandy oblystarynda júzege asyryldy. Batys Qazaqstan oblysynda – 99,4%, Atyraý oblysynda – 98,6%, Aqtóbe oblysynda – 98,5%, Qyzylorda oblysynda – 98,1%, Mańǵystaý oblysynda – 97,3%, Shymkent qalasynda – 96,1%, Pavlodar oblysynda – 96%, Nur sultan qalasynda-95,4%, Túrkistan jáne Qostanaı oblystarynda – 95%, Jambyl oblysynda – 94%, Almaty oblysynda – 92,2%, Aqmola oblysynda – 83,3%.
