Qoǵam • 02 Naýryz, 2020

Arýlar kúni qarsańynda «Astana Balet» ǵalamat gala-balet qoıady

17 retkórsetildi

Halyqaralyq áıelder kúniniń qarsańynda astanalyq teatr ártisteri klassıka men qazirgi zamandy astastyryp, merekelik gala-balet qoıady. Bir keshte kórermen qaýym zamanaýı horeografııa tilimen ǵana emes, fýete men pa de de órnekteri bar klassıka jaýharlaryn da tamashalaı almaq. 

Naýryzdyń 6-7 kúnderinde júretin gala-baletke klassıkalyq muraǵa jatqyzylǵan spektakl úzindilerimen qatar, neoklassıkalyq qoıylymdar da enip otyr. Birinshi bólimde áıgili «Korsar» baletinen «Jaıqalǵan baq» sahnasy, «Shertkish», «Aqqý kóli», «Kúlshe qyz», «Mahabbat týraly ańyz» jáne «Silent Voices» baletterinen úzindi kórsetiledi. Ǵajaıyp plastıka tiliniń qudiretimen adam balasynyń sezimi, armany men úmiti jaıly oqıǵalar baıandalady.

«Mundaı kórsetilimder bizdiń solısterimiz úshin óte mańyzdy ári paıdaly. Sebebi, olar osy arqyly óziniń shyǵarmashylyǵyn pash ete alady. Bir jaǵynan, bul olardyń óz múmkindikterin taǵy bir tekserýine, jalpy, ósýine de septigin tıgizbek», –­ deıdi «Astana Balet» teatrynyń bas baletmeısteri Mýkaram Avahrı.

Ekinshi bólimde brazılııalyq horeograf Rıkardo Amaranteniń«A FuegoLento» («Baıaý jalyn») bir aktili baleti kórsetilmekshi. Zamanaýı horeografııa tilimen brazılııalyq horeograf mahabbat sezimine alǵash elitken tusta boıyńyzdy bılegen úreı, tánińizdi jaýlaǵan qýanysh sezimi men ishte jalyndaı laýlaǵan qushtarlyq sezimin sýretteıdi. Sezimtal tango bıiniń yrǵaǵymen áýelegen, yntyq sezimge toly sahnalar eshbir kórermendi beı-jaı qaldyrmas.

Sondaı-aq naýryz aıynda «Astana Balet» teatry Abaı Qunanbaevtyń 175 jyldyq mereıtoıy aıasynda Atyraý jáne Semeı qalalarynda óner kórsetedi.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar