Qoǵam • 02 Naýryz, 2020

Nazarbaev Zııatkerlik mektepteriniń úzdik muǵalimderi anyqtaldy

80 retkórsetildi

Nur-Sultanda Nazarbaev Zııatkerlik mektepteriniń dástúrli «Úzdik muǵalim – 2020» kásibı baıqaýy aıaqtaldy. Elordaǵa aımaqtyq týrlar jeńimpazdary – pán muǵalimderi keldi.

Zııatkerlik mektepterdiń úzdik pedagogteri oqytýdyń jańa strategııalaryn, kóshbasshylyq áleýetin, IT-resýrstary men synı oılaýdy qoldanýdy, ata-analarmen jáne oqýshylarmen yntymaqtastyq ornatýdyń tabysty algorıtmderin jáne ózge de jetistikterin kórsetti.

Úı tapsyrmasy retinde ázirlengen «Oqýshylarmen tildesý» jáne «Ata-analarmen tildesý» beınefılmderi muǵalimniń basym daǵdylary: tyńdaı jáne estı bilý, pedagogıkalyq máseleni tujyrymdaı jáne sheshe bilý, yntymaqtastyq jáne senim ahýalyn qalyptastyra bilýge baǵyttaldy. Árbir qatysýshy Nur-Sultan qalasyna «Meniń pedagogıkalyq ustanymym» atty derbes kórmesin ala keldi, sondaı-aq «Men – tulǵamyn, men – muǵalimmin» taqyrybyndaǵy tanysqysyn daıyndady. Olar elordasyndaǵy fızıka-matematıka baǵytyndaǵy mektepte ashyq sabaqtar ótkizip, sheshendik óner boıynsha ádilqazy alqalarynyń tapsyrmasyn oryndady, «Pedagogıkalyq jaǵdaıat» róldik oıynyna qatysty.

Qazylar alqasynyń tóraıymy Svetlana Ispýsınova «Jyl muǵalimi» basty kásibı baıqaýynyń jeńimpazdary men laýreattaryn tańǵajaıyp jetilik dep atady.

Baıqaýdyń bas júldesi Nur-Sultanda qaldy – halyqaralyq bakalavrıat mektebiniń hımııa páni muǵalimi Dınara Beısembaeva NIS júıesindegi 2020 jyldyń úzdik oqytýshysy atandy.

Kókshetaý NZM aǵylshyn tili muǵalimi Kamılıa Rahymjanova birinshi oryndy jeńip alsa, ekinshi orynǵa petropavldyq Dına Qudabaeva laıyq dep tanyldy, al úzdik úshtikti aqtóbelik Mırat Ospanov túıindedi.

Sonymen qatar Oral qalasynan Borıs Zelenov, О́skemennen Rústem Qabdykárimov, Shymkent qalasyndaǵy hımııa-bıologııa baǵytyndaǵy mektepten Oralhan Omarov laýreat atandy.

Svetlana Ispýsınova muǵalimderdiń kásibı deńgeıiniń joǵarylaǵanyn jáne nátıjelerdi qorytyndylaý kezinde upaı aıyrmashylyǵy az bolǵanyn atap ótti. Qazylar alqasy quramynda Nazarbaev Zııatkerlik mektepteri jelisiniń barlyq ortalyqtarynyń ókilderi boldy, olar is júzinde otandyq bilim berý júıesindegi basty ádistemelik ınstıtýttardyń biri bolyp sanalady, bul konkýrsqa qatysýshylarǵa qoıylatyn talaptardyń joǵary deńgeıin rastaıdy.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar