Aımaqtar • 02 Naýryz, 2020

«Almaty jastary» baǵdarlamasy aıasynda 1 000 adam baspanamen qamtamasyz etiledi

58 retkórsetildi

Búgin megapolıste «Almaty jastary» baǵdarlamasy bastaldy. Iаǵnı, 2 naýryzdan bastap Turǵyn úı baǵdarlamasyna qatysýshylar ótinimderin 30 naýryzǵa deıin www.almaty-zhastary.kz saıtynda onlaın rejımde bere alady. Bul úshin olarǵa elektrondyq sandyq qoltańba (ESQ) kerek.

Almaty qalasy ákimdigi men Turǵyn úı qurylys jınaq bankiniń birlesken jobasyna 35 jasqa deıingi almatylyqtar qatysa alady. О́tinimder Almaty qalasyndaǵy memlekettik qalalyq jáne respýblıkalyq uıymdarda qyzmet etetin kelesi azamattardan qabyldanady:

- dárigerler men medbıkeler;

- pedagogtar men tárbıeshiler;

- ártister, jazýshylar, mádenıet salasynyń qyzmetkerleri;

- bapkerler men sportshylar;

- JOO men ǵylymı ınstıtýttardyń oqytýshylary men ǵylymı qyzmetkerleri;

- áleýmettik sala qyzmetkerleri;

- óndiristik qyzmetpen aınalysatyn BAQ qyzmetkerleri men jýrnalıster(memlekettik jáne kommersııalyq).

 «Almaty jastaryna» qatysýshylardyń resmı jumys ótili sońǵy alty aıdan kem bolmaýy tıis. О́zin-ózi jumyspen qamtyǵan mádenıet salasynyń ókilderi úshin keminde jarty jyl boıy Almaty qalasynda jeke kásipker retinde tirkelý mindetti.

-«Almaty jastary» baǵdarlamasy qala ákimdigimen birlesken jemisti jumystyń kórnekti mysaly. Qalalyq turǵyn úı baǵdarlamasy alǵash ret 2017 jyly bastalyp, úlken suranysqa ıe boldy. Eki jyl ishinde osy joba aıasynda 1 383 ótinim qabyldandy. Biz qalalyq bılik ókilderimen 2,2 mlrd teńge somasyna qalanyń 240 jas turǵynyn baspanamen qamtamasyz ettik. Bıyl baǵdarlamanyń júzege asyrylýyna qalalyq bıýdjetten 10 mlrd teńge jáne Turǵyn úı qurylys jınaq bankiniń bıýdjetinen 3 mlrd teńge bólinedi. Bul qarajat 1 000 almatylyq turǵynnyń baspana máselesin sheshýge múmkindik beredi, - dep atap ótti Turǵyn úı qurylys jınaq bankiniń Basqarma tóraıymy Lázzat Ibragımova.  

www.almaty-zhastary.kz saıtynda ótinimderdi qabyldaý aıaqtalǵannan keıin, Almaty qalasynyń turǵyn úı basqarmasy 20 jumys kúni ishinde úmitkerler tizimimen qosa, olardyń ótkizgen qujattarynyń durystyǵyn tekserip, jınaǵan ball sanyna qaraı baǵdarlamaǵa qatysýshylardy tańdaıtyn bolady. Oǵan nekede qansha jyl turǵandyǵy, balalarynyń bar ekendigi, kategorııa boıynsha úzdiksiz jumys ótiliniń merzimi, halyqtyń áleýmettik-álsiz tobyna jatatyndyǵy áser etedi.

Pýl qurylǵannan keıin, qatysýshylardyń barlyǵyna Turǵyn úı qurylys jınaq bankinde nesıe rásimdeý úshin joldama beriledi. Bul joldama 15 jumys kúni ishinde jaramdy. Turǵyn úıdi izdep-tabýǵa bank eki aı ýaqyt beredi. Páterdi jańa jáne qoldanystaǵy úıden alýǵa bolady.

Ony satyp alý úshin Turǵyn úı qurylys jınaq banki 13 mln teńge kóleminde maksımaldy somany nesıege beredi. Bastapqy jarna keminde 10%-dy quraýy tıis. Nesıe boıynsha paıyzdyq mólsherleme - jyldyq 5%.

Máselen, quny 13 mln teńgelik páterdi satyp alar kezde zaım boıynsha tólem alǵashqy 8 jylda 101 967 teńgege, al qalǵan 11 jyl ishinde azaıyp, 54 100 teńgege teń bolady. Áleýetti úmitkerlerdiń tolyq tizimimen www.almaty-zhastary.kz saıtynan bilýge bolady.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar