Qazirgi kezde aıtýly kásipqoı boksshylardyń promoýterleri tarapynan kelissózder júrgizilýde. Keıbir derekkózderine sensek, eki jaq ortaq mámilege kelgen kórinedi. Osylaısha, qos sańlaq 11 maýsymda Saýd Arabııasynda kúsh synasady.
Rasynda da bul bir keremet jekpe-jek bolatyny daýsyz. Sebebi, qazirgi kezde ekeýiniń de dańqy dúrkirep tur. Máselen, 41 jastaǵy Pakıaonyń baǵyndyrmaǵan belesi joq. Ol birneshe beldi nusqalary boıynsha jáne birneshe salmaq dárejesinde álem chempıony ataǵyna qol jetkizdi. Kásipqoı rıngte 25 jyldan asa ýaqyt boıy judyryqtasyp júrgen Fılıppınniń maqtanyshy sol kezden beri 71 jekpe-jek ótkizip, 62 márte jeńis toıyn toılady. 39 qarsylasyn esinen tandyrdy. Jeti ret utylyp, taǵy eki báseke teń aıaqtaldy.
32 jastaǵy Maıkı Garsııanyń da sporttyń bul túrin serik etkenine 15 jyldan asty. Ol 40 kezdesý ótkizip, tek bireýinde ǵana utyldy. 30 básekeni merziminen buryn aıaqtady. AQSh boksshysy da altyn belbeýdiń talaıyn ıelendi.
