Qoǵam • 02 Naýryz, 2020

Sáken Ǵumarovtyń «Qus joly» kórmesi ashylady

39 retkórsetildi

2020 jyldyń 6 naýryz kúni Qasteev atyndaǵy Memlekettik óner mýzeıinde áıgili qazaqstandyq sýretshi Sáken Ǵumarovtyń (1937-1995) shyǵarmashylyǵyna arnalǵan «Qus joly» jeke kórmesiniń ashylýy ótedi.

Tanymal qazaqstandyq sýretshi Sáken Ǵumarovtyń (1937 - 1995) shyǵarmashylyǵy HH ǵasyrdyń aıaǵyndaǵy ulttyq beıneleý ónerindegi biregeı qubylysty kórsetedi. Kórermenniń nazaryna usynylyp otyrǵan kórme sýretshiniń 1950-1990 jyldar aralyǵynda jazǵan jeke kolleksııasyndaǵy 30-ǵa jýyq týyndydan turady.

«Sýretshiniń árbir shyǵarmasy – qııal men shyndyqtyń tańǵajaıyp qosyndysy, avtordyń qorshaǵan álem týraly oılarynyń jınaqtalǵan kórinisi. Onyń shyǵarmalarynyń stılıstıkalyq jáne maǵynalyq negizi sýretshiniń ózi oılap tapqan «aqyl-oı formalary», erekshe baılanystar men maǵynalardyń keń qatarynan turatyn tańqalarlyq belgi-beıneler, adam tárizdes jáne zoomorftyq tirshilik ıeleri – totemder bolyp tabylady. Zamandastary úshin S. Ǵumarov «rýhanı jasy fızıkalyq esepteýge sáıkes kelmeıtin jumbaq sýretshi» boldy. Ol ózin «óz oıyn erkin bildiretin, erkin taqyryptaǵy, óz shyǵarmashylyǵyn tolyqtaı azat etýge umtylǵan sýretshi» dep atady. Sheber ónerdiń eń basty maqsaty «sheksiz jemis pen sheksiz kemeline úńilýde» dep bildi», deıdi ónertanýshy Amır Djadaıbaev.     

Otyz jyldan astam ýaqyt ishinde sýretshi «Bestıarıı», «Aqyl-oı formalary», «Ana men bala», «Kútý», «Bastar men deneler», «Shyǵarmalar» sııaqty týyndylardyń úlken toptamasyn jasady. S. Ǵumarov óziniń kúlli shyǵarmashylyǵyn «álemdi jalǵan materıalızmnen qutqarýǵa», ony «ǵaryshtyq mıstıkalyq energııamen» toltyrýǵa», adamdarǵa, bizdiń kúndelikti ómirimizge qarama-qaıshy keletin basqa shyndyqtyń baılyǵyn kórsetýge arnady.

Sáken Ǵumarov 1937 jyly Oralda (Soltústik-batys Qazaqstan) dúnıege kelgen. Máskeýdegi A. Lýnacharskıı atyndaǵy Memlekettik teatr óneri ınstıtýtyn, Lenıngrad teatr, mýzyka jáne kınematografııa ınstıtýtyn bitirgen. Rejısser jáne akter bolyp qyzmet etken. KSRO Jýrnalıster odaǵynyń múshesi. S. Ǵumarovtyń týyndylary  Qazaqstannyń, alys-jaqyn shetelderdiń jeke jáne memlekettik kolleksııalarynda saqtaýly. 1995 jyly Oralda  S. Ǵumarovtyń memorıaldyq mýzeıi ashylǵan bolatyn.

Sońǵy jańalyqtar

Muńǵa toly minájat

Rýhanııat • Búgin, 15:19

Dosy úshin jolǵa shyqqan jankeshti

Rýhanııat • Búgin, 15:15

Sahnadaǵy Abaı beınesin kim qalaı somdady?

Rýhanııat • Búgin, 13:59

Senatta halyqaralyq qujat qaraldy

Parlament • Búgin, 12:39

Shyǵarmashylyqta shekara joq

Rýhanııat • Búgin, 12:25

«Esil tasyp barady jardan asyp...»

Aımaqtar • Búgin, 12:03

Dárigerlerdi demegen darhandyq

Aımaqtar • Búgin, 10:57

Poıyzdar aýrýhanaǵa aınalmaq

Álem • Búgin, 10:55

Qyran qustyń syny (etnografııalyq paıym)

Rýhanııat • Búgin, 09:35

Uqsas jańalyqtar