Úkimet • 02 Naýryz, 2020

SIM: Saýd Arabııasynyń qazaqstandyqtarǵa týrıstik vıza berýdi toqtatýy týraly aqparat durys emes

28 retkórsetildi

Úkimetinde ótken brıfıngte Syrtqy ister mınıstriniń birinshi orynbasary Shahrat Nuryshev Saýd Arabııasynyń qazaqstandyqtarǵa týrıstik vızany berýdi toqtatýy týraly aqparattyń durys emes ekenin aıtty. 

«Bastapqyda BAQ-ta jarııalanǵan aqparat durys emes boldy. Ondaǵy tizimde barlyǵy 7 el boldy. Shyn mánisinde, shekteý 21 elge qatysty bolatyn. Qazaqstan 49 eldiń qataryna kirgen jeti eldiń qatarynda kórsetildi, bul elderdiń azamattary Saýd Arabııasyna kelgen soń áýejaıda vıza ala alady», — dedi mınıstrdiń birinshi orynbasary.

Sh. Nuryshev qalǵan 14 eldiń azamattary aldymen vızany rásimdeýge mindetti ekenin, tek sodan keıin ǵana Saýd Arabııasyna kelýi kerektigin aıtty.

«Aqparat durys bolmady, ol taralyp ketti, bizde koronavırýs taralyp, shekteý sodan jasalǵany tárizdi kórindi», — dep túsindirdi Sh. Nuryshev.

Sonymen qatar Shahrat Nuryshev qazaqstandyqtardy Iran men Ońtústik Koreıadan evakýasııalaý josparlary týraly aıtyp berdi. Onyń aıtýynsha, búginde Iranda Qazaqstannyń 170 azamaty, Ońtústik Koreıada 34 600 jýyq azamaty bar.

«Irannan evakýasııalaý máselesi ázirge qaralyp jatqan joq. Degenmen, bizdiń Elshilik barlyq azamattarmen jumys jasap jatyr. Irannan elge oralǵysy keletin jaǵdaıda, olar qajetti kómekti kórsetýge ázir», — dedi Sh. Nuryshev.  

2020 jyldyń 1 naýryzynan bastap Nur-Sultan – Seýl jáne Almaty – Seýl baǵyttary boıynsha turaqty reısterdiń sany aptasyna 9-dan 3 reıske deıin qysqartyldy.

«Reıster sany 9-dan 3-ke deıin qysqartyldy, bul qaıtýǵa nıet bildirgen azamattardyń reısterdi paıdalana alýy úshin jasaldy. Evakýasııa – sońǵy shara, sondyqtan qaıtýǵa nıet bildirgen tulǵalar ázirge áli de ushyp jatqan reıstermen elge orala alady», — dep túsindirdi syrtqy ister mınıstriniń birinshi orynbasary.