Qazaqstan • 02 Naýryz, 2020

Qazaqstan qaýipsiz elder reıtınginde TMD boıynsha 1-orynda tur

54 retkórsetildi

Qazaqstan qaýipsiz elder reıtınginde TMD elderi arasynda birinshi jáne álemde 64-oryn aldy. Bul týraly Ranking.kz habarlady. 

Dúnıejúzilik banktiń baǵalaýynsha, 2019 jyly álemdik ekonomıka 2,4% deıin baıaýlaǵan, onyń basty sebepteri – elder arasyndaǵy saýda soǵystary, álemdegi geosaıası jaǵdaı bolyp otyr. Sonymen birge, syrtqy saıası shıelenis elderdiń ınvestısııalyq belsendiligine aıtarlyqtaı áser etti.

2019 jyly tikeleı sheteldik ınvestısııalardyń jahandyq aǵyny tómendegen. EYDU málimetteri boıynsha, 2019 jyldyń alǵashqy jartysynda tikeleı sheteldik ınvestısııalardyń ǵalamdyq aǵyny 20% nemese 572 mlrd dollarǵa deıin azaıǵan. Memlekettegi beıbit ahýal jáne basqa eldermen qarym-qatynas ekonomıkanyń jáne tutastaı eldiń damýynda mańyzdy ról atqarady.

Álemdik beıbitshilik ındeksine sáıkes, Islandııa, Jańa Zelandııa, Portýgalııa, Avstrııa jáne Danııa ómir súrýge eń qaýipsiz elder atandy. Sonymen qatar, alǵashqy ondyqqa Kanada, Sıngapýr, Slovenııa, Japonııa jáne Chehııa kiredi. Jalpy, reıtıngke 163 el engen. Indeks eldegi zorlyq-zombylyq deńgeıi men qylmys syndy ishki faktorlardy jáne halyqaralyq qatynastary, áskerı shyǵyndar sekildi syrtqy faktorlardy eskeredi. Jalpy, ómir súrý qaýipsizdigi deńgeıi 23 ındıkator boıynsha baǵalanady.

О́mir súrý úshin eń qaýipti elder qataryna Aýǵanstan, Sırııa, Ońtústik Sýdan, Iemen jáne Irak enip otyr. Aıta ketken jón, Reseı eń qaýipti on eldiń qataryna kiredi. Qazaqstan qaýipsizdik deńgeıi joǵary elder tizimine enip, bul reıtıngte 64-shi orynǵa turaqtady.

Sonymen birge Qazaqstan zertteý júrgizýde TMD-ǵa kiretin nemese buryn bolǵan 12 memleket arasynda birinshi orynǵa ıe boldy. Mundaı baǵalaý, kóptegen basqa faktorlarmen qatar, eldi ınvestorlar úshin tartymdy etedi jáne aımaqtaǵy básekege qabilettilikti arttyrady.

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar