Q.A.Iаsaýı atyndaǵy HQTÝ-dyń Kentaý ınstıtýtynda 2 kezeń boıynsha ótken saıystyń bas júldesine S.Toraıǵyrov atyndaǵy Pavlodar memlekettik ýnıversıtetiniń stýdenteri ıe boldy. Eki kúnge sozylǵan jarys Túrkistan qalasynda bastalyp, Kentaýda túıindeldi.
Baıqaýdy qorytyndylaý keshinde Kentaý ınstıtýtynyń dırektory Úsen Rahmetuly jeńimpazdardy quttyqtap, arnaıy sertıfıkattarmen marapattady. «Incraft» kompanııasynan kelgen tóreshiler daryndy jastardyń bilim dárejelerin baıqady. IT tehnologııalar arqyly jańa baǵdarlamalardyń biregeı joldaryn ázirlep, júzden júırik atanǵan jastardy quttyqtaımyn. Bıik belesterdi baǵyndyra berińizder", - dedi ınstıtýt dırektory.
Almaty qalasyndaǵy «Incraft» kompanııasynan kelgen mamandar 6 aı tegin taǵylymdamadan ótý múmkindigine laıyqty dep S.Toraıǵyrov atyndaǵy Pavlodar memlekettik ýnıversıtet komandasyn tańdady. Saıysqa qatysýshy ózge de komandalar baǵaly syılyqtarmen marapattaldy.
