Bul kezeńdegi sport sharalary oqý oryndarynda, mekemelerde, áskerı bólimderde, aýyldyq okrýgterde, qańtar-aqpan aılarynda uıymdastyrylǵan bolatyn. Irikteý kezeńderinen ótken úzdik komandalar Qostanaıda ótken qorytyndy jarysta baq synasty. Sporttyq sharanyń beıresmı baǵdarlamasy boıynsha ótken ashyq saıystar da kópshilik qyzyǵýshylyǵyn týǵyzdy. Aıaqqa shańǵy baılap, shamasyn baıqap kórgisi kelgen áýesqoılar 1 shaqyrym qashyqtyqqa júgirdi.
Shańǵy sportyn serik etkenime jarty ǵasyrdan asty. Qys túse, qala syrtyna shyǵyp shańǵymen serýendegendi unatamyn. Bul bir ǵajap dúnıe ǵoı. Taza aýada erkin tynystap, aıazdyń jylýyn sezinesiń. Áppaq álemge boılap, qanattanasyń. Búgingi sharaǵa nemeremdi de ertip keldim, - deıdi rýdnyılyq zeınetker Natalıa Gırık.
Shańǵy festıvaliniń barlyq kezeńderin eseptegende, sporttyq sharaǵa 10 myńnan astam oblys turǵyny qatysty, - deıdi uıymdastyrýshylar.
Qostanaı
