Baspasóz qyzmetiniń málimetinshe, Qaraǵandy qalasynda estý qabileti nashar sportshylar arasynda jeńil atletıkadan Qazaqstan Respýblıkasynyń chempıonaty ótti. Onda aqmolalyq sportshylar 9 júldege qol jetkizdi. «Jerlesterimizdiń arasynda Valerıı Tereshenko birinshi oryn ıelense, Vıktor Baranov, Elena Pýtınseva, Andreı Pýtınsev jáne 4h400 metr estafetada synǵa túsken Valerııa Tereshenko, Anatolıı Leonov, Marýfa Sharafıdınova, Vıktor Baranov ekinshi keldi.
Al, Anatolıı Leonov, Roza Aqsholaqova jáne 4h200 metr (mıks) jarys jolyna shyqqan Dılnaz Májıtova, Roza Aqsholaqova, Valerıı Tereshenko, Marýf Sharafıdınov úshinshi orynnan kórindi. Jarys qorytyndysy boıynsha, jalpy komandalyq esepte Aqmola oblysy 6 oryn aldy», - deıdi Aqmola oblystyq dene shynyqtyrý jáne sport basqarmasynyń baspasóz hatshysy Mahabbat Bolshına.
