Saıasat • 03 Naýryz, 2020

Qoǵamdy damytýdyń qozǵaýshy kúshi

11 retkórsetildi

Elordada Eýrazııalyq ıntegrasııa ınstıtýtynyń jáne Prezıdent janyndaǵy «Ortalyq kommýnıkasııalar qyzmetiniń» uıymdastyrýymen «Ulttyq keńes: qoǵamdyq kelisimdi qaıta jandandyrý» atty pikirtalas klýbynyń otyrysy ótti.

Pikirtalas klýbynyń otyrysyna memlekettik organ qyzmetkerleri, úkimettik emes uıymdardyń, Ulttyq qoǵamdyq senim keńesiniń músheleri, otandyq ǵalymdar, sarapshylar men BAQ ókilderi qatysty.

Dıalog alańynyń maqsaty – áleýmettik jandandyrýdyń ózekti problemalary men júrgizilip jatqan reformalardyń baǵytyn talqylaý, sonymen qatar «Halyq únine qulaq asatyn memleket» tujyrymdamasy aıasynda dıalogty odan ári jetildirý maqsatynda usynystar ázirleý.

– Ulttyq qoǵamdyq senim keńesiniń qurylýyna qatysty elimizde túrli pikirtalas órbidi. Atalǵan keńestiń ekinshi otyrysynda Prezıdent Qasym-Jomart Toqaev elimizdegi qoǵamdyq-saıası prosesterdi jetildirý jónindegi paketti usyndy. Usynylǵan paket is júzine asýda. Pakettiń aıasynda Mıtıngiler týraly zań qoǵamnyń talqysyna usynyldy. Sondaı-aq Partııalar týraly zańǵa da ózgerister engizilip jatyr. Sonymen qatar elimizdegi Qylmystyq kodekstiń 174-shi jáne 132-baptaryna ózgerister endi. Bul jumystar elimizdegi azamattyq qoǵamdy damytýdyń belgili bir ındeksin joǵarylatýǵa yqpal etetin qadamdar dep aıtýǵa negiz bar, – dedi Ulttyq qoǵamdyq senim keńesiniń múshesi, saıasattanýshy Erlan Saırov.

Onyń aıtýynsha álemdik zaman­aýı tájirıbede kelissóz alańdary saıa­sı prosesterdi iske asyrýdyń tıimdi mehanızmine aınalyp otyr. Memleket basshysy Qasym-Jomart Toqaevtyń bas­tamasymen qurylǵan Ulttyq qoǵamdyq senim keńesi dıalog qurý tájirıbesi men memlekettik baılanys saıasatyn damytýda jańa kezeńdi qalyptastyrdy.

– Bıyl elimizde ulttyq sanaq júrgiziledi. Ol da bir úlken, mejeli oqıǵa. Bul sanaq Qazaqstandaǵy etno-demografııalyq ózgeristerdiń qaı baǵytta órbıtinin dáleldeıtin jáne qazaq etnosyna tyń bastama beretin jyl bolady dep úmittenemiz. 1989 jyly Qazaqstandaǵy qazaqtyń sany 39% bolsa, bul kórsetkish bıyl 70%-dan asady degen senim bar. Munyń ózi kóptegen úderiske tikeleı áser etedi. Osy jyly saıası básekelestikti qamtamasyz etetin birneshe zań qabyldanýy qajet. Jańa saıası oıynshylardyń saıa­sat sahnasyna kelýin, jańa oıyn ere­jesiniń jasalýyn qamtamasyz etý kerek, – dedi Ulttyq qoǵamdyq senim keńesiniń múshesi, saıasattanýshy Aıdos Sarym.

Ol óz sózinde Ulttyq qoǵamdyq senim keńesi memleket pen halyqtyń, bılik pen azamattardyń arasynda dıalog ornatý úshin mańyzdy alań ekenin atap ótti. Qoǵamdyq kelisim jańa sharttardaǵy sapaly ósim men órkendeý úshin ekonomıka, adam quqyǵy salalarynda ózgeristerge túsý kerektigine toqtaldy. Jańa sharttar memlekettik basqarý salasynda da ashyqtyq pen básekeniń ósýin talap etetinin jetkizdi. Qoǵamdy jandandyrý úshin azamattyq beıbitshilik pen sapaly ómir qajettigin alǵa tartty.

– Ulttyq keńestiń músheleri onyń jumys tártibin júıeleýge qatysty túrli pikirdi ustanady. Qandaı da bir jaǵdaıǵa, tosyn oqıǵaǵa baılanysty ma, joq álde bekitilgen jospar bo­ıynsha jumys júrgizilýi kerek pe degen oılar aıtylady. Ulttyq keńes músheleriniń basym kópshiligi oryn alǵan oqıǵalardy emes, jospardy aldyńǵy orynǵa qoıýdy usynady. Bizdiń maqsat osy máseleniń júıeli sheshimin tabý bolyp otyr. Eger biz belgili bir salany qarastyratyn bolsaq, máseleniń mánisine úńiletin, túbegeıli zertteıtin arnaıy top qurylady. Osylaısha Ulttyq qoǵamdyq senim keńesiniń otyrysynda Memleket basshysy Qasym-Jomart Toqaevtyń nazaryna usynylatyn kún tártibi barynsha oılastyrylmaq, – dedi Ulttyq qoǵamdyq senim keńesiniń múshesi, saıasattanýshy Talǵat Qalıev.

Saıasattanýshy Ulttyq qoǵamdyq senim keńesi músheleriniń BAQ ókilderine pikir bildirýine qatysty oıyn da jetkizdi. Onyń aıtýynsha, BAQ ókilderi Ulttyq qoǵamdyq senim keńesiniń múshelerine jıi habarlasyp, pikir bildirýdi suraıdy. Al atalǵan Ulttyq keńes – qoǵamdyq organ bolǵandyqtan, bir adam bútin bir Ulttyq keńestiń pikirin bildire almaıdy. Eger Ulttyq keńes músheleri BAQ ókilderine pikir bildirgen bolsa, ol Ulttyq keńestiń emes, sarapshy retinde óziniń jeke pikiri dep qabyldanýy qajet.

Osylaısha pikirtalas klýbynyń otyrysy barysynda Ulttyq keńestiń atqarylyp jatqan aýqymdy jumysy nazarǵa alynyp, onyń paıda bolýy memleket pen qoǵam arasyndaǵy dıalogqa degen qajettilikten týyndaǵany aıtyldy. Eldegi áleýmettik qaıshylyqtardy sheshýge de erekshe serpin beretini tilge tıek etildi. Qoǵamdaǵy ózekti máselelerdiń sheshimin tabý úshin eldegi barlyq áleýmettik toptardyń belsendi áreketi, azamattyq ustanymy qajet ekeni atap ótildi.

Sońǵy jańalyqtar

Almatyda onlaın jattyǵý ótedi

Sport • Búgin, 11:51

Jalǵan aqparat taratqan muǵalim ustaldy

Koronavırýs • Búgin, 11:45

Túrkistan: Kásipkerlerdiń kómegi kóp

Aımaqtar • Búgin, 11:13

Naýqastyń jeke deregin kim taratty?

Aımaqtar • Búgin, 10:59

Aqyn Amanhan Álimuly dúnıeden ótti

Rýhanııat • Búgin, 10:53

Qaıyrymdylyq aksııasynyń aýqymy keń

Aımaqtar • Búgin, 09:40

Shekteý sharalary qatań saqtalýy tıis

Koronavırýs • Búgin, 09:18

Meıirlannyń músinderi

Rýhanııat • Búgin, 08:05

Memleket basshysynyń qamqorlyǵy

Qoǵam • Búgin, 07:50

Kúı qudireti

Rýhanııat • Búgin, 07:43

Daýys galereıasy

Rýhanııat • Búgin, 07:39

Aq jeleńdilerge alǵys aıtty

Rýhanııat • Búgin, 07:35

El áńgimelerin ekshegen

Rýhanııat • Búgin, 07:28

Tarıhta qalǵan indetter

Tarıh • Búgin, 07:22

Nesıe tóleýdi toqtata turý tártibi

Ekonomıka • Búgin, 07:21

Onlaın oıynda jeńildi

Hokkeı • Búgin, 07:15

Uqsas jańalyqtar