Saıasat • 03 Naýryz, 2020

Barlyq usynys eskeriledi

59 retkórsetildi

Elordadaǵy Ulttyq akademııalyq kitaphanada beıbit jınalystardy uıymdastyrý jáne ótkizý tártibi týraly zańnamany jetildirý boıynsha qoǵamdyq tyńdaý ótti.

Jıynǵa Aqparat jáne qoǵamdyq damý mınıstri Dáýren Abaev, qoǵam qaıratkerleri, úkimettik emes uıymdar men buqaralyq aqparat quraldary ókilderi qatysty. Is-shara barysynda mıtıng týraly jańa zań jobasy keńinen talqylanyp, qoǵam belsendileri óz oıyn ortaǵa saldy.

Dóńgelek ústeldegi negizgi baıandamany Aqparat jáne qoǵamdyq damý vıse-mınıstri Danııar Esın jasady. Zań jobasyna engiziletin ózgeristerdi talqylaý elimizdiń birqatar óńirinde ótkenin eske salǵan mınıstr orynbasary qoǵam belsendileri men zańgerler aıtqan pikirdiń eskerilgenine toqtaldy.

«Zań jobasyn qoǵamdyq tyńdaý barysynda jáne ony «Ashyq derek» porta­lyna ornalastyrylǵaly beri osyǵan qatysty 261 pikir kelip tústi. Olardyń basym bóligi mıtıngini ótkizýdi habarlama túrinde júrgizýge, arnaıy oryndarǵa, beıbit sherýler kezinde jýrnalısterdiń quqyǵyna, beıbit jıynǵa ruqsat etpeý tásilderine baǵyttalǵan», dedi D.Esın.

 Vıse-mınıstrdiń aıtýynsha, beıbit jıyndar ótkizý úshin habarlama berilse jetkilikti. Alda-jalda jergilikti atqarýshy organnan jaýap kelmese, oǵan kelisim berildi dep eseptelinbek. Sondaı-aq mundaı is-sharalardy ótkizýge arnaıy oryn bólinedi.

D.Esın arnaıy orynǵa erekshe toqtaldy. Buǵan deıin Memleket basshysy Qasym-Jomart Toqaev mıtıng ótkizýge arnalǵan meken qalanyń syrtynda bolmaýyna ekpin bergen edi. Mınıstr orynbasarynyń sózine qaraǵanda, zań jobasyn ázirleý barysynda bul máselege de mán berilgen.

«Arnaıy oryndardy belgilep, olardy qoldaný tártibin naqtylaý barysynda beıbit jıynnyń maqsatyna qol jetkizýge jaǵdaı jasalýy tıis. Uıymdastyrýǵa qolaıly, qoǵamdyq kólik baratyn, ınfraqurylymy uıymdastyrýshylar men qatysýshylar qolda­nýyna yńǵaıly bolýy qarastyrylady», dedi D.Esın.

Iаǵnı, mıtıng ótkiziletin oryn qalanyń ishinde, kópshilik kóretindeı jerde belgilenedi. Bul – beıbit jıyndy da ótkizýge, qala tir­shiligine kedergi keltirmeýge múmkindik bermek.

Qoǵamdyq tyńdaý barysynda belsendiler kókeıde júrgen suraqtaryn qoıdy. Olardy muqııat tyńdaǵan Aqparat jáne qoǵamdyq damý mınıstri D.Abaev saýaldarǵa ret-reti­men jaýap berdi.

Máselen, dóńgelek ústel qatysýshylary zań jobasynda kórsetilgen beıbit mıtıngige qatysýshylar sany týraly tarmaqqa kelis­peıtinin jetkizgen. Mınıstrdiń sózine qara­ǵanda, aldaǵy ýaqytta jaýapty mekeme atalǵan máseleni qaıta qaramaq.

«Memleket basshysy Q.Toqaev suhbatynda beıbit jıyndarǵa qatysýshylardyń sanyn 250 adam dep shekteýdi engizý jónsiz ekenin aıtty. Biz osy másele boıynsha jumys istep jatyrmyz. Bul – biz úshin tapsyrma ispetti», dedi vedomstvo basshysy.

Sonymen qatar D.Abaev zań jobasyna qatysty aıtylǵan syn-eskertpelerdiń bári muqııat zerdelenetinin, alaıda oǵan ýaqyt qajet ekenin atap ótti. Budan bólek, Par­lamenttik talqylaýda da depýtattar zań jobasyna ózgerister engizetinin jetkizdi.

«Keı áriptesterimiz ózderi jazǵan, aıt­qan usynystardyń keıbiri zań jobasyna engi­zilmegenin aıtyp narazylyq bildirdi. Biraq bul – bir-eki kúndik nemese bes mınýttyq sharýa emes. Memlekettik organdarmen belgili bir ke­lisimder, prosedýralar jasalady. Bul – aıtar­lyqtaı uzaqqa sozylatyn prosess. Sizder aıtqan usynystardyń bári eskeriledi. Zań jobasy aıtarlyqtaı ózgeriske ushyraıdy. Biz zańgerler men memlekettik organdardyń ǵana emes, oıyn bildirgisi keletin, sonyń ishinde mıtıng arqyly bildirgisi keletin Qazaqstan azamattarynyń múddelerin umyt­paýymyz kerek», dedi mınıstr.

Zań jobasyn talqylaý barysynda saıasattanýshy, Ulttyq qoǵamdyq senim keńesiniń múshesi Erlan Saırov mundaı qoǵamdyq tyń­daýlar azamattar men bıliktiń qarym-qatynasynyń jańa modelin jasaıtynyna senim bildirdi. Sondaı-aq zań jobasyna aı­tylǵan synǵa qatysty óz pikirin jetkizdi.

«Syn elimizdiń qoǵamdyq ómiriniń bir bóligine aınalýy kerek ekenin túsinýimiz kerek. Biz oǵan úırenip, ony qabyldaýymyz qajet. Syn buryn da bolǵan, qazir de bar jáne bola da beredi. Meniń oıymsha, búgingi tańda zań jobasyn talqylaýdyń ózi azamattar men bılik qarym-qatynasynyń jańa modelin jasaıdy», dedi E.Saırov.

Saıasattanýshy E.Saırov Prezıdent Q.Toqaevtyń zań jobasy jónindegi pikirin týıtter paraqshasyna jazǵanyn, bul – quqyqtyq qujattyń mańyzyn kórsetetinin málimdedi.

«Memleket basshysy keshe ǵana týıtter paraqshasynda zań jobasy boıynsha óz pikirin bildirdi. Bul óte mańyzdy. Zań jobasyn azamattar ǵana emes, Memleket basshysy da talqylaıtynyn kórip otyrmyz. Bul zań bizdiń kóz aldymyzda ózgerip, jańa sıpatqa alyp kele jatyr dep sanaımyn. Talqylaýǵa qatysatyndarǵa «Mıtıngige 251 adam kelse ne bolady?» degen suraq qoıamyn. Mundaı suraqtarǵa naqty jaýap berilýi tıis. Zań bo­ıynsha qatysýshylar sany artyp ketse, mıtıng toqtatylýy mindetti. Bul máseleni áli de jan-jaqty jetildirip, qatysýshylar sanyn qaıta qarastyrý qajet», dedi E.Saırov.

Al «Qaraǵandy oblysynyń kásip­odaq­tary» oblystyq kásipodaqtar birlestiginiń tóraıymy Janna Ýálıeva 18 jasqa tolma­ǵandardyń mıtıngilerge qatysýyna qar­sy ekenin jetkizdi. Onyń aıtýynsha, qaty­sý­shy­lar jasyn tómendetý ákimshilik ne qylmystyq jazaǵa tartylǵan balalar sany artyp ketýine ákelýi múmkin.

«Zańda «qatysýshy» degen uǵym bar. Qatysýshy – 18 jasqa tolǵan adam. Nege qaty­sý­shynyń jasy tómendeýi tıis? Buǵan saqtyq­pen qaraǵan jón. Biz balalardyń qatysýyna qarsymyz. Olar UBT-ǵa daıyndalýdyń ornyna, mıtıngilerge baryp, óz pikirlerin aıta ma? Uıymdastyrýshylar balalardy basqa maqsatta qoldanýy múmkin.

Eger biz balalarǵa 14 jastan bastap beıbit sherýge qatysýǵa ruqsat etsek, osy jastaǵy balalar normany buzǵany úshin jaýapqa tartylatynyn túsingenimiz abzal. Sonda bizde 14 jastaǵy sottalýshylar kóbeıip, olar qylmystyq jaýapkershilikke tartyla ma?» dedi J.Ýálıeva.

Sońǵy jańalyqtar

Qarttar úıindegi qasiret

Aımaqtar • Búgin, 10:49

.Daǵdarys daýylyna tosqaýyl - J. Nurabaev

Ekonomıka • Búgin, 10:45

Fýtbol: Para aldy dep aıyptalýda

Sport • Búgin, 09:38

Úkimet otyrysy ótip jatyr

Úkimet • Búgin, 09:20

Kómek alý ońtaılandyrylady

Saıasat • Búgin, 08:25

Infeksııanyń taralý qarqyny tómendedi

Koronavırýs • Búgin, 08:05

Senimge serpin bergen málimdeme

Qoǵam • Búgin, 08:02

Alǵashqy vırtýaldy sot otyrysy

Saıasat • Búgin, 08:00

Ár azamat atsalysýy tıis

Rýhanııat • Búgin, 08:00

Koreıadan kelgen qyz

Rýhanııat • Búgin, 07:50

Irkilis bolmaıdy

Aımaqtar • Búgin, 07:45

Balalarymdy saǵynsam da...

Medısına • Búgin, 07:45

Qaýipti indetpen qalaı kúresýde?

Aımaqtar • Búgin, 07:45

Jemqorlyqpen kúres jalǵasyn tabýda

Saıasat • Búgin, 07:40

Apatpen oınamaıyq, oılanaıyq aǵaıyn...

Rýhanııat • Búgin, 07:40

Jeńildetilgen nesıe jetken joq

Ekonomıka • Búgin, 07:38

Kıdim kamzol

Rýhanııat • Búgin, 07:35

Daǵdarys daýylyna tosqaýyl

Ekonomıka • Búgin, 07:35

Fermerler ýaqytpen sanaspaıdy

Saıasat • Búgin, 07:35

Tótenshe toqsan

Qoǵam • Búgin, 07:30

El ekonomıkasy eleýsiz qalmaıdy

Saıasat • Búgin, 07:30

Sý tasqyny bastaldy

Aımaqtar • Búgin, 07:28

Jumys isteý úshin qajetti jabdyqtar

Aımaqtar • Búgin, 07:27

Halyqtyń birtutastyǵy

Tanym • Búgin, 07:16

Pálsapa – Bekzat sana

Rýhanııat • Búgin, 07:15

Daladaǵy dúbirge daıyn

Aımaqtar • Búgin, 07:15

Baǵany turaqtandyrýda oń nátıje bar

Ekonomıka • Búgin, 07:13

Uqsas jańalyqtar