Aımaqtar • 03 Naýryz, 2020

Qar qursaýynda qalǵan jolaýshylar qutqaryldy

19 retkórsetildi

1 naýryz kúni túrkistandyq - Erkebulan Dúısenbaı jáne Maqsat Rústemov degen eki jigit «Lada Priora» avtomobılimen Omby qalasynan Shymkentke qaraı jolǵa shyǵyp, Soltústik Qazaqstannyń Ǵ.Músirepov aýdanyndaǵy «Jezqazǵan-Petropavl» jolynyń 593 shaqyrymynda elektrondy kartalarǵa senip, joldan adasyp, qalyń qardyń qursaýyna túsip qalǵan. Internet-servıs olarǵa ekinshi joldyń baryn kórsetpegen eken.

Jigitter mashınalary turyp qalǵan soń syrtqa shyǵyp, qatyp qalǵan kúrtik qarǵa tizelerine deıin kirip ketedi. Biraz ýaqyt qarmen alysqannan túk shyqpaǵan soń olar  «112» arnasyna qońyraý shalady.

Habarlamany alǵan oblystyq Polısııa departamenti patrýldik polısııasynyń qyzmetkerleri Janbolat Naǵumanov pen Dıdar Dúıselekov shuǵyl kómekke umtylady. Qutqarý operasııasyna Lomonosov aýyldyq okrýginiń ýchaskelik polısııa ınspektory, polısııa kapıtany Azamat Syzdyqov ta qosylady. Bir jarym saǵat boıy qalyń kúrtik jolmen júrip kele jatqan polıseıler eki oblys shekarasynda alaýdy kóredi. Dirdektep tońǵan jigitter zapastaǵy dóńgelekti jaǵyp jylynǵan eken. «Patrýldik avtokólikpen «Ladany» shyǵarý múmkin emes», - deıdi patrýldik polısııa batalony komandıriniń orynbasary, polısııa kapıtany Ýálıhan Orazalın. – «Sondyqtan saqshylar jaqyn mańdaǵy «Drýjba» jaýapkershiligi shekteýli seriktestigine júgindi. Alaıda kómekke kelgen «ÝAZ» kóligi de «Ladany» súırep tartpaq bolǵan kezde ózi qalyń qardan shyǵa almaı qalady. Endi JShS dırektory Qabıden Úsenov kómekke «John Dir» traktoryn jiberedi, nátıjesinde eki avtokólik te jolǵa shyǵaryldy».

Sóıtip, túrkistandyq jigitterdiń soltústik óńirdegi joly bir táýlikke jaqyn ýaqytqa sozyldy. Patrýldik polıseıler olardy Toqsan bı aýylyna deıin jetkizip salǵan kezde dúısenbiniń tańy atqan edi. Saqshylar jigitterge jol kórsetip, ózderi keri oralady. Maqsat pen Erkebulan olarǵa Kókshetaý óńirindegi Rýzaevka selosynan habarlasyp, alǵystaryn taǵy bir márte aıtty.

Jeksenbi kúni taǵy bir júrgizýshi, Qostanaı qalasynyń týmasy Borıs Abrosımov ta polısııa qyzmetkerleriniń jumysyna rızashylyǵyn bildiredi. «Nur-Sultan-Petropavl» tas jolynyń 341 shaqyrymynda onyń «Mercedes» júk kóliginen aqaý shyqqan. Patrýldik polısııa batalonynyń qyzmetkerleri, polısııa kishi leıtenanttary Dmıtrıı Kravchenko men Ashat Kamalıev sol mańnan ótip bara jatqan. Olar júrgizýshini kórip, jón surasyp, ony jaqyn jerdegi qosalqy bólshekter satatyn dúkenge aparyp, kólikti jóndeýge kómektesti. «558 nómirli «Lada vesta» ekıpajyna erekshe rızamyn. Adamgershiligi mol osyndaı qyzmetkerler kóp bolsyn», - deıdi Borıs Arkadevıch jibergen aýdıohabarlamasynda.

Soltústik Qazaqstan oblysy

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar