Aımaqtar • 03 Naýryz, 2020

«QYZYLJAR» telearnasyna – 60 jyl

106 retkórsetildi

1960 jyly aqpan aıynda elimizdiń qabyrǵaly qaıratkerleriniń biri Ilııas Omarov Soltústik Qazaqstan oblysynda obkomnyń ıdeologııalyq jumystar jónindegi hatshysy bolyp turǵanda osy óńirde alǵashqy bolyp oblystyq televızııany ashqyzǵan. Sol oqıǵaǵa 60 jyl tolyp otyr.

Mereıtoıdy resmı túrde atap ótý  kúz aılaryna qaldyrylǵanymen osy jyldarda oblystyq arnaǵa eńbek sińirgen áriptester birin-biri quttyqtap,  jumys ornyndaǵy qyzyqty da, qýanyshty jyldar men kúnderdi eske alýda.

Qazir talantty menedjer Erlan Toqshylyq basqaratyn bul ujymnyń soltústiktiń óneri men mádenıetin damytýǵa qosqan úlesi zor. Respýblıkalyq konkýrstarǵa da jıi qatysyp, júlde alyp júredi. Ásirese, óńirdiń jańalyqtary men ekonomıkalyq damý ózgeristerin halyqqa aldymen osy ujymnyń mamandary jetkizedi.

Kezinde munda ózimiz biletin sheber jýrnalıster arasynan Dúısenbi Áýelbekov, Jarasbaı Súleımenov, Sabyrjan Ábilmájinov, Kámılá Muqasheva, Nyǵmet Ábenov, Raısa Bekmuhametova, Vladımır Harın, Aleksandr Iаremchýk jáne t.b. uzaq jyldar boıy qyzmet atqarǵan edi. Televıdenıeniń dıktory Búrkit Bekmaǵambetovtyń talanty respýblıka kóleminde baǵalanyp, ol Qazaq radıosyna qyzmetke aýysqan. Al Vladımır Spırıdonov, Rahıma Jumabaeva sııaqty dıktorlar Máskeýdegi Ortalyq teledıdardan taǵylymdamadan ótken edi. Rejısserler arasynan Baıan Baımuhambetova, Kúnnár Qabdósheva, Elena Bogdanova, Lázzat Ábisheva jáne taǵy basqalar óz isterin jetik meńgergen mamandar bolatyn. Dybys rejısserleri arasynan ataqty ánshi Kámılá Álibaevany erekshe ataýǵa bolady.

Elimiz táýelsizdigin alǵan, ekonomıkalyq qıynshylyq jyldarynda ujymdy belgili aqyn Mútállap Qanǵojın basqardy. Ol munda otyz jyldan artyq eńbek etken. Odan keıin TV-ǵa  qazirgi Májilis depýtaty Káribaı Musyrman basshylyq etti. Sóıtip, bul ujym óz aralarynan J.Súleımenov pen K.Musyrman sııaqty eki birdeı Parlament depýtatyn shyǵarǵan.

Qazir ujym respýblıkalyq Qazaqstan telearnasynyń Soltústik Qazaqstan oblystyq «Qyzyljar» TRK dep atalady. Osyndaı berekeli ujymǵa jańa shyǵarmashylyq tabystar tileımiz.  

Sońǵy jańalyqtar

Muńǵa toly minájat

Rýhanııat • Búgin, 15:19

Dosy úshin jolǵa shyqqan jankeshti

Rýhanııat • Búgin, 15:15

Qandaı ǵajap, seniń baryń álemde

Ádebıet • Búgin, 14:56

Sahnadaǵy Abaı beınesin kim qalaı somdady?

Rýhanııat • Búgin, 13:59

Senatta halyqaralyq qujat qaraldy

Parlament • Búgin, 12:39

Shyǵarmashylyqta shekara joq

Rýhanııat • Búgin, 12:25

«Esil tasyp barady jardan asyp...»

Aımaqtar • Búgin, 12:03

Dárigerlerdi demegen darhandyq

Aımaqtar • Búgin, 10:57

Poıyzdar aýrýhanaǵa aınalmaq

Álem • Búgin, 10:55

Uqsas jańalyqtar