О́tinish berýshiler kóp. Keshe, tipti, ortalyq ashylmaı jatyp esiktiń aldynda kezek kútkender qaptap ketti. Biraq qyzmet kórsetýshiler úsh jerden qabyldap jatqandyqtan, keshke deıin barlyǵy qujattaryn resimdep úlgerdi, - deıdi anyqtama bóliminiń qyzmetkeri Álııa Kóshmurzına.
Baǵdarlamaǵa qatysý úshin turǵyndardan 7 túrli qujat talap etiledi. Onyń ekeýin «Azamattarǵa arnalǵan úkimet» ortalyǵy beredi. Turǵylyqty mekenjaı týraly anyqtama 10 kúnge deıin jaramdy. Al ótinish berýshiniń Qazaqstan Respýblıkasynda jyljymaıtyn múlkiniń joq ekenin rastaıtyn anyqtamanyń kúshi 1-aq kúnge jaraıdy. Qujattyń jaramdylyq merziminiń qysqalyǵy jumysbasty turǵyndarǵa qolaısyzdyq týǵyzýda.
О́zim muǵalim bolyp jumys isteımin. 4 balam bar. Munda talap etiletin qujattar kóp emes, biraq keıbir qujattar bir-aq kúnge jaramdy. Mysaly, keshe jumystan erterek shyǵyp, «Azamattarǵa arnalǵan úkimetten» tıisti qujattardy aldym. Biraq munda kezek kóp, tirkelip úlgermedim. Búgin jumystan suranyp, erterek kelip otyrmyn, - deıdi kezek kútip otyrǵan Sáýle Suraǵanova.
О́tinish jazǵan turǵyndar ákimdik bergen joldamamen turǵyn úı qurylys jınaq bankine barady. Bank tólem qabileti bar azamattarǵa 20 jyldyq merzimge nesıe beredi. Baǵdarlamaǵa qatysýshy úıdi ózi tańdap, páter qunynyń 10% -yna shaq mólsherde bastapqy jarna tóleıdi. Jyldyq syıaqy mólsheri - 2%. Baǵdarlama boıynsha ótinish qabyldaý 6 naýryz kúni keshkilik aıaqtalady.
Qalalyq ákimdiktiń málimetinshe, qazir Qostanaı qalasynda 12 620 otbasy turǵyn úı kezeginde tur. Onyń 230-y kóp balaly, 4 myńy tolyq emes otbasylar. О́tken jyly atalmysh baǵdarlama aıasynda 114 otbasy baspanaly bolǵan.
Qostanaı
