«Jarqyn bolashaq» Respýblıkalyq ǵylymı - ádistemelik jýrnaly Abaı Qunanbaevtyń 175 jyldyǵyna oraı uıymdastyrǵan dodanyń «Aspapta oınaý» atalymynda Dáýletkereıdiń «Kóroǵly» kúıin shákirtterimiz eki daýysta oryndap shyqty.
-Dástúrli baıqaý balalardyń jas ereksheligin eskere otyryp, 7 janr boıynsha ótkizildi. Ulan men Darhan mektebimizdegi talantty shákirtterdiń qatarynan. Bir atap óterligi – olardyń ekeýi de dombyrada oınaýdy bilmeıtin. Azǵana ýaqyttyń ishinde birneshe kúıdi úırenip, tipten baıqaýlarǵa qatysatyn dárejege jetti. Osynyń barlyǵy Nazarbaev Zııatkerlik mektepterindegi jelilik «100 kúı» jobasynyń jemisi, - deıdi dombyra úıirmesiniń muǵalimi Madııar Ashırov.
Baıqaýdyń 1-shi oryn júldesin jeńip alyp, laýreat atanǵan qos dombyrashy bunymen toqtamaq emes. Endi olar Almaty qalasynda mamyr aıynda ótetin óner báıgesiniń aqtyq kezeńine qatysyp, baqtaryn synamaq.
Semeı
