Álem • 03 Naýryz, 2020

Reseı men Qytaı COVID-19 birlesken kúresin talqylady

78 retkórsetildi

«Máskeý men Beıjińde COVID-19 koronavırýstyq pnevmonııa epıdemııasyna qarsy birlesken kúres barysy talqylandy.  Búgin Reseıdegi Qytaı elshiliginde «Rospotrebnadzor»  basshysy Anna Popovanyń qatysýymen tıisti konsýltasııalar ótti», dep habarlady «Reseı – Qytaı: Basty jańalyqtar» mobıldik qosymshasynyń aqparattyq qyzmeti.

«Rospotrebnadzor» basshysy bir-birimen qatar qonǵan eki eldiń   koronavırýstyń jańa túriniń taralýyna qarsy is-qımyl áreketterine «kemedeginiń jany bir» dep baǵa berdi.  Reseıdiń   aýrýdyń osy túrimen qarsy kúreste  Qytaımen yntymaqtastyqty odan ári nyǵaıtýǵa daıyn ekendigin basa aıtty.

Onyń aıtýynsha, Qytaı COVID-19-men kúresý sharalarynyń tıimdiligin dáleldedi, Reseı osy  baǵyttaǵy  qytaı tájirıbesin muqııat zerttep, qaperge alyp jatqanyn áriptesteriniń esine salyp ótti.

Popova hanym   Reseıdiń aýrýdyń taralýyn boldyrmaý úshin qatań sharalar qabyldaǵanyn eske saldy.  COVID-19 profılaktıkasy boıynsha sanıtarlyq sharalar aıasynda qazirgi ýaqytta Reseı Federasııasynyń aýmaǵynda 30 myńǵa jýyq adam baqylaýda tur.  Olardyń úshten biri ǵana Qytaı azamattary . Sondaı-aq, Popova hanym   Qytaı elshiligin Reseıdegi Qytaı azamattaryna epıdemııaǵa qarsy erejeler týraly esep berip, sanıtarlyq jumystarmen belsendi aınalysýǵa shaqyrdy.
Qytaıdyń Reseıdegi elshisi Chjan Hanhýı  Qytaıdaǵy indettiń sharyqtaý sheginiń ótip ketkenin eske túsirip, «Reseı Qytaı azamattarynyń kirýine qatysty shekteýli sharalardy jaqynda túzetedi nemese alyp tastaıdy»  degen úmitin bildirdi.

Dıplomat Qytaıdyń Reseı qabyldaǵan sanıtarlyq-karantındik sharalarǵa túsiniktikpen qaraǵanyn da aıtyp ótti. Onyń aıtýynsha, elshilik óz arnalary arqyly Reseıdegi Qytaı  azamattaryna  quzyrly organdardyń qabyldaǵan sheshimderi týraly aqparatpen qulaǵdandyryp,  qoldanystaǵy erejelerdi saqtaý qajettigin eskertip otyratynyn da eske salyp ótti.

Osydan 2 kún buryn, 28 aqpanda Qytaıdyń Reseıdegi  dıplomatııalyq mıssııasy azamattaryn «erejelerdi saqtaýǵa jáne tekserýler men karantınder barysynda bılik ókilderimen yntymaqtastyqqa» shaqyrdy.

«Reseı taraby QHR-men syrtqy saıasatta basymdyqqa ıe ekendigin, Reseı Qytaımen dostyq pen yntymaqtastyqty joǵary baǵalaıtynyn basa aıtady. Máskeýdegi epıdemııaǵa qarsy sharalar tek QHR azamattaryna ǵana emes, bárine de, qatysty. Sondyqtan quzyrly oryndar talap etken saqtyq sharalaryn saqtaý mindetti  »,  delingen Qytaı elshiliginiń habarlamasynda.

Máskeýde turatyn kóptegen qytaılar bıliktiń epıdemııaǵa qarsy sharalaryna túsiniktikpen qarap otyr.  Máskeýdegi Ádebıet jáne óner  ýnıversıtetiniń  stýdenti Chjoý Nenniń aıtýynsha, Jańa jyl merekesinen QHR-dan oralǵan 150-ge jýyq stýdentti eki aptalyq baqylaýda ustaýǵa sheshim shyǵarylǵan. 

«Jataqhananyń úsh qabaty karantındik aımaqqa bólindi, karantınnen keıin stýdentter 2 naýryzǵa deıin komendantqa baryp, dene qyzýyn kúnine eki ret teksertip otyrýǵa mindetti. Biz munyń qajettilikten qabyldanǵan sheshim ekenin bilemiz» deıdi  Chjoý.

Osyǵan deıin Máskeýden tarap jatqan ǵalamtor kózderinde «Qytaı azamattaryna kólikti paıdalanýǵa tyıym salynǵany,   metro vagondary men mıkroavtobýstarǵa kirýge ruqsat berilmegeni»  týraly aqparat paıda bolǵanyn bilemiz. Bul aqparatty kóptegen basylymdardyń bas taqyryp retinde qoldanǵanyn da kózimiz kórdi.

«Máskeý bıligi, árıne, qytaılardyń qala aınalasynda qozǵalysyna qoıylǵan shekteýlerge qatysty eshqandaı buıryq bergen joq. Bizdiń quqymyz shektelmegenin taǵy da aıtqym kelip otyr. Keıbir sheshimderdiń saqtyq sharalaryn saqtaý úshin qabyldaǵanyn túsinemiz » deıdi Chjoý.

Sondaı-aq   Chjoý hanym áleýmettik jelidegi jarııalanyp jatqan aqparattarǵa senýge bolmaıtynyn da túsindirip ótipti.

«Máskeýde men oqyǵan ýnıversıtette tek reseılik ǵana emes, qazaqstandyq, ózbekstandyq stýdentter oqıdy. Olar qytaı halqy bastan keship jatqan aýyr synaqqa túsinistikpen qaraıdy, ony jeńip shyǵaryna da senedi. Qazir Máskeý jastary «Dostyqty emes, vırýsty oqshaýlaımyz» degen túsinikpen ómir súrip jatyr» dep sózin túıindedi Chjaý.  

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar