Qoǵam • 03 Naýryz, 2020

«Astana» SK dırektory qarjy jymqyrdy degen kúdikke ilindi

56 retkórsetildi

Sybaılas jemqorlyqqa qarsy qyzmeti «Samuryq-Qazyna» qorynyń sportty damytý jáne Qazaqstannyń bedelin kóterýge bólingen aqsha qarajatyn jymqyrý faktisi boıynsha qylmystyq isti tergeýde. Bul týraly Sybaılas jemqorlyqqa qarsy is-qımyl agenttiginde ótken baspasóz konferensııada agenttiktiń 2-departamentiniń basshysy Sergeı Perov aıtty, dep habarlady Sybaılas jemqorlyqqa qarsy is-qımyl agenttiginiń baspasóz qyzmeti.

«Tergeý barysynda «Astana» kásibı sport klýbynyń dırektory Amanbek Kýlchıkovtiń atalmysh klýbtyń quramyna kiretin jeke mekemeler «Astana Pro Team» velokomandasynyń» jetekshisi Lazzat Shamshıevamen jáne «Astana Motorsports» jetekshisi Artýr Ardavıchýspen qylmystyq kelisimde ázirlengen jáne iske asyrylǵan qylmystyq tásilin anyqtady», - dedi Sergeı Perov.

Sonymen 2016-2018 jyldar aralyǵynda Kýlchıkov klýbtardyń naqty qajettilikterin bile tura, qasaqana shyǵyndar kóleminen birneshe esege artyq somalarǵa qarjylandyrý týraly tapsyrystardy, sonymen qatar qarajattyń maqsatty jumsalǵany týraly Shamshıeva jáne Ardavıchýs usynǵan jalǵan esepterdi qabyldaǵan.

Artyq bólingen aqsha qarajattary sheteldik kompanııalarmen jalǵan kelisimder jasaý jáne oqý-jattyqtyrý jıyndaryn uıymdastyrý, úı-jaılardy jalǵa alý, taýarlyq-materıaldyq qundylyqtar satyp alý jáne t.b. boıynsha jalǵan aktilerge qol qoıý jolymen jymqyrǵan.

Mysalǵa, demeýshiler jyl saıyn kásibı jarysqa qatysýdyń barlyq álemdik standarttaryna saı keletin 200-den astam brendtik velosıpedterdi tegin usynady.

Sondaı-aq 2018 jyly qajettilik bolmasa da, Almaty qalasynda avtoshına satýmen aınalysatyn qazaqstandyq JShS-men, sondaı 6 velosıped jáne oǵan qosalqy bólshekter satyp alýǵa 219 myń eýro somasyna jalǵan kelisimshart jasalǵan.   

Oǵan qosa, bul qymbat velosıpedter shyn máninde sol boıy jetkizilmegen, al aqsha qarajaty jymqyrylǵan jáne bundaı derekter az emes.

Bólingen aqsha qarajattarynyń olardyń otbasy músheleri jáne sportqa esh qatysy joq basqa da, tulǵalardyń ishki jáne shet elge avıaushýlaryn tóleýge jumsalǵany da mysal bola alady. Bul shyǵyndar 100 mln. teńgeden artyq somany quraıdy.

Búgingi tańda anyqtalǵan zalal somasy 2 mlrd teńgeden asady. Qazirgi ýaqytta Kýlchıkov jáne Shamshıeva Nur-Sultan qalasynyń tergeý ızolıatoryna ornalastyrylǵan, sot olarǵa qatysty 2 aı merzimge qamaýda ustaý bultartpaý sharasyn sanksııalady.

Ardavıchýsqa, onyń ishinde Interpol jelisi boıynsha da, halyqaralyq izdeý jarııalandy. Oǵan qatysty da «qamaýda ustaý» bultartpaý sharasy sanksııalandy.

Is boıynsha kúdiktilerdiń Almaty jáne Nur-Sultan qalalaryndaǵy qymbat múlikteri, avtotransporttyq quraldar, elıtalyq páterler, jer ýchaskeleri qosa anyqtalyp, tyıym salyndy.   

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar