Azdap tumaýratyńqyrap qaldym. Degenmen sabaqqa barý kerek. Mektepke vırýstan qorǵaıtyn betperdesiz kirýge bolmaıdy. Maska izdep Temir jol vokzalynyń mańyndaǵy 4-5 dárihanany sharlap shyqtym. Eshqaısynan tappadym, - deıdi 11 synyp oqýshysy Balaýsa Júnis.
Oblystyń medısınalyq jáne farmasevtıkalyq qyzmetin baqylaıtyn departament mamany Oljas Jıenbaevtyń aıtýynsha, joǵaryda atalǵan eki jelilik aptekalar qazirshe qala turǵyndaryn medısınalyq maskamen tolyq qamtamasyz ete alady. Al ózge dárihanalarǵa qashan jetkiziletini belgisiz. Ony tasymaldaýshylar da tap basyp aıta almaı otyr.
Biz Baımaǵambetov kóshesindegi 68-úıde ornalasqan «Farmakom» dárihanasyna bas suǵyp, 20 maska suradyq. Satýshy beseýden artyq satylmaıtynyn aıtty. Qazir maskany kóptep alyp, ony qymbat baǵaǵa basqa jaqqa jóneltip jatqan alyp-satarlar kóbeıip ketti. Bir adamǵa beseýden artyq satylmaý sebebi – osy. Bir pysyq kelip barlyq maskany alyp ketse, qalǵan jurt ne isteıdi? – dedi «Farmakom» fılıalynyń dırektory Galına Kachına.
Medısınalyq maskalar «Farmakom» dárihanalarynda 50 teńge, «Svetnaıa» dárihanalarynda 25 teńge turady.
Qostanaı
