Parlament • 03 Naýryz, 2020

Darıǵa Nazarbaeva Qyrǵyzstan elshisin qabyldady

29 retkórsetildi

Senat Tóraǵasy Darıǵa Nazarbaeva Qyrǵyz Respýblıkasynyń Qazaqstandaǵy Tótenshe jáne О́kiletti Elshisi Jeenbek Kýlýbaevty qabyldady. Bul týraly Parlament Senatynyń baspasóz qyzmeti habarlady.

Dıplomat Senat basshysyna Jogorký Kenesh Tóraǵasy Dastanbek Jumabekovtyń Qyrǵyzstanǵa resmı saparmen kelý týraly shaqyrýyn tabys etti.

«Búgingi tańda Qyrǵyzstan men Qazaqstan saıası jáne ekonomıkalyq qarqyndy dıalog júrgizip keledi. О́tken jyly Qazaqstan Prezıdentiniń Qyrǵyzstanǵa memlekettik sapary boldy, onda Qyrǵyz Respýblıkasynyń Prezıdenti S.Jeenbekovpen kelissózder jasaldy. Qol jetken kelisimder ekijaqty qarym-qatynastardyń damýyna tyń serpin berdi ári áriptestiktiń keleshegi zor baǵyttary anyqtaldy», - dedi J. Qulybaev.

Jeenbek Kýlýbaev áńgime barysynda Elbasy Nursultan Nazarbaevtyń Qyrǵyzstandaǵy saıası jaǵdaıdy turaqtandyrýǵa jáne retteýge qosqan zor úlesin atap ótti. «Bizde eshqandaı qarama-qaıshylyq joq, biz halyqaralyq dıalog boıynshasóılesýge tyrysamyz», - dep atap ótti ol.

Qyrǵyzstan Elshisi ózara ekonomıkalyq is-qımyl týraly aıta kelip, eki el basshylarynyń kelissózderi aıasynda taýar aınalymyn 1 mlrd dollarǵa jetkizý týraly kelisimge qol jetkenin jetkizdi. «Eksporttyq-ımporttyq operasııalardy yntalandyrý úshin taýarlardy rásimdeý jáne óńdeý jónindegi logıstıka ortalyǵyn qurý usynyldy. Búgingi kúni bul taqyrypty salalyqmınıstrlikter pysyqtap jatyr. Bul aýyl sharýashylyǵy ónimderin eksporttaý salasyndaǵy tıimdi yntymaqtastyq bolady», - dedi dıplomat.

Darıǵa Nazarbaeva bul bastamaǵa qoldaý bildirdi jáne shekarada logıstıka ortalyǵy qajet ekenin, ol saýda-ekonomıkalyq yntymaqtastyqty ulǵaıtýǵa yqpal etetinin atap ótti.

Jeenbek Qulybaev sonymen qatar Nur-Sultan men Bishkek qalalary arasyndaǵy áýe qatynasyn qalpyna keltirý máselesine nazar aýdardy jáne eki el arasyndaǵy kedendik ózara is-qımyldy jolǵa qoıý qajettigin aıtty.

Senat basshysy eki eldiń keden zańnamasyn qaıta qaraý qajet ekenine toqtaldy. «Kontrabanda aǵynyn toqtataıyq, bizdegi bızneske tabys tabýǵa múmkindik berip, kontrabandanyń tıimsiz bolýyna yqpal eteıik. Arzan taýar túsimi adal bızneske zııan keltiredi», - dedi D.Nazarbaeva.

Senat Tóraǵasy óńirdiń sý resýrstaryn tıimdi paıdalaný taqyrybyn da kóterdi.

«Bizdegi ortaq másele bolyp otyr.  Egin egý jumystary maýsymy jaqyndaǵan saıyn bizdiń aýyl sharýashylyǵy óndirýshileri sýarmaly sýdyń tapshylyǵynan zardap shegedi. Bul bizdiń fermerlerdiń ónim kólemin azaıtady. Bul óte sezimtal taqyryp. Eki taraptyń ortaq sheshimge kelýi asa mańyzdy. Sý problemasyna baılanysty búkil aýdannyń zardap shegip jatqany bizdi alańdatyp otyr. Mundaı kedergilerdiń bolǵany jáne jyldar boıy sheshilmeı kele jatqanyókinishti», - dedi D.Nazarbaeva.

Senat Tóraǵasy kezdesý qorytyndysy boıynsha dyń tepe-teńdigi máselelerin sheshýde biryńǵaı tásilderdi ázirleý úshin parlamentaralyq jumys tobynyń jumysyna qarqyn berýdi usyndy.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar