Senat Tóraǵasy Darıǵa Nazarbaeva atap ótken jeńil ónerkásipti damytýdaǵy birqatar kedergiler:
- Bul eń aldymen óndiristiń qymbattyǵy. Bizdiń otandyq kásiporyndar zamanaýı jabdyqtar men arzan jumys kúshin qoldanyp otyrǵan azııalyq óndirýshilermen básekeles bolýǵa májbúr. Sondyqtan olarmen salystyrǵanda ónim qajet mólsherden áldeqaıda az.
- Qajetti jabdyqtardyń joqtyǵy. Keńestik jabdyqtardan basqasynyń bári ımporttyq, kópshiligi tozyǵy jetken jabdyqtar. Otandyq kásiporyndardaǵy jabdyqtardy jańartý koeffısenti jylyna 3-4 paıyzdy quraıdy. Jabdyqtardy jańalaý kredıtke nemese kásiporynnyń óz qarajaty esebinen júzege asyrylady, sheteldik fırmalarda bul kórsetkish 15-17 paıyzdy quraıdy jáne kóbinese memleket tarapynan ınvestısııalyq qoldaýǵa baılanysty.
- Shıkizat tapshylyǵy. Elimizde sıntetıkalyq materıaldar óndirilmeıdi, degenmen tabıǵı otandyq shıkizattyń tapshylyǵy asa sezilip otyr. Qazaqstandyq ónimdegi shıkizattyń ózindik quny 60 paıyzdy quraıdy.
- Memlekettik qoldaý sharalary tıimdiliginiń tómendigi. Jeńil ónerkásip kásiporyndary aınalymǵa qarajat jetpegendikten jáne óndiristi jańǵyrtý men qaıta qurylymdaýǵa arnalǵan ınvestısııa deńgeıiniń tómendiginen zardap shegip otyr. Kásiporyndar kóbinese bankterden kredıt ala almaıdy. Ekinshi deńgeıdegi bankter bıznesten túsken ótinimderdi qaraǵan kezde kepil múlkin óte tómen mólsherleme boıynsha baǵalaıdy, keleshektegi kelisimsharttardy kepil múlki retinde qarastyrmaıdy. Kredıt alǵannan keıin kásiporyndar ǵımaratty salyp bitirmeı, jabdyqtardy alyp kelmeı turyp tólem tóleýdi bastaýǵa májbúr.
- Jeńil ónerkásip úshin senimdi keleshektiń joqtyǵy. О́tken jyly jeńil ónerkásiptiń ónerkásiptik óndiristegi úlesi nebári nól bútin onnan tórt paıyzdy (0,4%) qurady. Eger erteń jeńil ónerkásip joıylyp ketse, qarapaıym tutynýshylar muny baıqamaýy da múmkin.
- Kásipkerlerdiń barlyq kúsh-jigerin joqqa shyǵaratyn kóleńkeli ımporttyń bolýy. Salyq pen baj tólemderiniń joqtyǵyna baılanysty, sapasynyń tómendigi esebinen kontrafakt arzan.
