Búgingi kúnde óte qajet ónim shyǵaratyn kásiporynnyń jumysymen tanysqan oblys ákiminiń orynbasary eń birinshi kezekte medısınalyq maskalarmen áleýmettik dárihanalardy qamtamasyz ete bastaý kerektigine nazar aýdardy.
– Medısınalyq maskalar shyǵaratyn mashına satyp aldyq. Onyń bir mınýt ishinde 100-120 dana shyǵarýǵa qýaty jetedi. Iаǵnı, biz oblys turǵyndarynyń ınfeksııadan qorǵanys qajettiligin tolyǵymen qanaǵattandyra alamyz, – deıdi «MF «Mereı» JShS-niń dırektory Qanat Naýryzbaev.
Oblystyq densaýlyq saqtaý basqarmasynyń basshysy Erjan Nurlybaev medısınalyq maskalarǵa suranystyń barlyǵyn aıtty. Qazirgi tańda kásiporynnyń jumysty bastaýǵa tolyq daıyn ekenin de atap ótti ol.
Bul kúni oblys ákiminiń orynbasary Saran qalasyndaǵy jeke gıgıena jáne úı-jaılardy dezınfeksııalaýǵa arnalǵan antıseptıkalyq zattar shyǵaratyn kásiporynda da bolyp, onyń tynys-tirshiligimen tanysty.
«Gros Farm» JShS dırektorynyń orynbasary Mıhaıl Momchelıdze atalǵan kásiporynda shyǵarylatyn ónimniń baǵasy qoljetimdi ekenin aıtty.
– Qazaqstanda bizdiki sııaqty tórt óndiris orny bar. Bizdiń kásiporynnyń óndiristik qýattylyǵy saǵatyna 2 myń quty shyǵarýǵa jetedi, ıaǵnı táýligine 1 myń lıtr ónim óndiremiz. Medısınalyq mekemelerge ónimderdi ózimiz jetkizemiz jáne búkil Qaraǵandy oblysyn dezınfeksııalyq zattarmen tolyq qamtamasyz ete alamyz, – dedi ol.
Kezdesý barysynda jergilikti óndirýshiler oblys turǵyndaryn medısınalyq maskalarmen ǵana emes, sonymen birge qolǵa arnalǵan antıseptıktermen de qamtamasyz ete alatyndyqtaryn málimdedi.
Qaraǵandy oblysy
