Eriktiler jylyna oraı Shyǵys Qazaqstanda «Aýyldaǵy jaz» jobasy qolǵa alynbaq. Joba aıasynda kásibı jattyqtyrýshylar jazǵy demalysta aýyldarǵa baryp, balalardy jattyqtyrýdy josparlap otyr. Bul týraly oblystyq Dene shynyqtyrý jáne sport basqarmasynyń baspasóz qyzmeti habarlady. «Bul joba Qazaqstan halqy Assambleıasynyń «Tarbie» baǵdarlamasy aıasynda ázirlendi. Joba barysynda jattyqtyrýshylar jazǵy demalys oryndaryna, balalar úıine jáne aýyldarǵa baryp, jattyǵý jumystaryn júrgizedi. Sondaı-aq, olar jergilikti jattyqtyrýshylarǵa da dáris ótkizedi. Birinshi kezekte aýdan ortalyqtary men qalalarǵa emes, shalǵaıdaǵy eldi-mekenderge bapkerler jiberiletin bolady» dedi oblystyq Dene shynyqtyrý jáne sport basqarmasynyń basshysy Denıs Rypakov.
Qazir ýaqytta aýyldar ótinishterin jiberýde. Kelgen ótinishterge oraı arnaıy tizim jasalyp, jumys júrgiziledi.
Shyǵys Qazaqstan oblysy
