Aımaqtar • 04 Naýryz, 2020

Almatyǵa jınalǵan jas pedıatrlar júzden astam ǵylymı joba usyndy

14 retkórsetildi

Almatyda Uly Abaıdyń «Bilim-ǵylym úırenbekke talap qylýshylarǵa áýeli bilmek kerek. Ekinshi – ǵylymdy úırengende, aqıqat maqsatpen bilmek úshin úırenbek kerek» degen 32 qara sózimen, S.D.Asfendııarov atyndaǵy Qazaq Ulttyq medısınalyq ýnıversıtetiniń 90 jyldyǵyna oraı «Jas zertteýshi: zamanaýı pedıatrııa jáne balalar hırýrgııasy damýynyń syn-tegeýrini men keleshegi» atty taqyrypta doktoranttar, magıstranttar men rezıdentterdiń halyqaralyq ǵylymı-tájirıbelik konferensııasy ótti.

Jas ǵalymdardyń ǵylymı áleýetin arttyrý, pedıatrııa jáne balalar hırýrgııasy salasyndaǵy ózekti máselelerdi kóterý, damýy men keleshegin saralaý,   jas mamandardy ǵylymmen aınalysýǵa shaqyrý, densaýlyq salasyndaǵy memlekettik baǵdarlamalardy iske asyrýda jas dárigerlerdiń rólin arttyrý maqsatynda Almatyda elimizdiń jáne shet eldiń jas pedıatrlary bas qosty.  

Pedıatrııa jáne balalar hırýrgııasy ǵylymı ortalyǵy, «Pedıatrlar Odaǵy» qoǵamdyq birlestigi men S.Asfendııarov atyndaǵy QazUMÝ-dyń balalar aýrýlary kafedrasynyń uıymdastyrýymen ótken konferensııaǵa Qyrǵyzstan,  Ázirbaıjan,  О́zbekstan elderiniń memlekettik medısına ınstıtýttarynyń jas ǵalymdary, Nur-Sultan,  Semeı,  Túrkistan,  Shymkent,  Aqtóbe,  Almaty qalalarynyń medısınalyq JOO-nyń doktoranttary men  magıstranttary, A.Syzǵanov atyndaǵy Ulttyq ǵylymı hırýrgııa ortalyǵynyń, Akýsherlik, gınekologııa jáne perınatologııa ǵylymı ortalyǵynyń, Qazaq kóz aýrýlary ǵylymı zertteý ınstıtýttarynyń 100-den astam zertteý jumysymen aınalysatyn jas izdenýshiler: jas pedıatrlar men balalar hırýrg-dárigerleri qatysty.

Halyqaralyq deńgeıde ótken konferensııada  pedıatrııa jáne hırýrgııa salasy boıynsha 100-den astam ǵylymı jumystar, arnaıy baıandamalar, maqalalar  jáne posterlik baıandamalar usynyldy.  Konferensııa barysynda balalardaǵy aýrýlardy emdeý men dıagnostıkalaýdyń zamanaýı ádisteri,  balalarǵa medısınalyq kómek berýdi uıymdastyrýdyń aspektileri, sırek aýrýlardy emdeý men dıagnostıkalaýdy jetildirýdiń jańa standarty, túrli hırýrgııalyq jáne somatıkalyq patologııalary bar balalardy ońaltý,   psıhologııalyq jáne medısınalyq-áleýmettik beıimdeý, balalardaǵy ıntensıvti terapııa men anestezıologııa, dıagnostıkalaý men emdeýde  qoldanylatyn zamanaýı medısınalyq tehnologııalar jáne t.b. náresteler men balalardy emdeý men pedıatrııa, hırýrgııa salasyna qatysty ózekti máseleler talqylanyp, praktıkadaǵy erekshe klınıkalyq jaǵdaılar ortaǵa salyndy. 

Konferensııanyń ashylý saltanatynda S.D.Asfendııarov atyndaǵy QazUMÝ-dyń  prorektory Ubaıdulla Dathaev, Pedıatrııa jáne balalar hırýrgııasy ǵylymı ortalyǵynyń Basqarma tóraıymy Rıza Boranbaeva jas ǵalymdar aldynda alǵy sóz sóılep,  sharanyń mańyzdylyǵyn atap ótip, ǵylymǵa qadam basqan jas ǵalymdarǵa jańa izdenis tiledi.

«Zamanaýı medısınalyq ǵylym men praktıkanyń damýy jas ǵalymdardyń ǵylymı áleýetinsiz múmkin emes. Sondyqtan biz jas ǵalymdardyń ǵylymı áleýetin arttyrý, jas izdenýshilerdi ǵylymmen aınalysýǵa shaqyrý maqsatynda osymen 3 jyl qatarynan bul sharany ótkizýdemiz. Ǵylymı-zertteý jumystar tájirıbemen ushtasýy kerek dep sanaımyz. Erteńgi medısına búgingi jastardyń qolynda. Búgingi konferensııa balalar jasyndaǵy aýrýlardy dıagnostıkalaý, emdeý jáne aldyn alýdaǵy negizgi máselelerdi saralap, durys joldy aıqyndaýǵa múmkindik beredi dep úmittenemiz. Ár dáriger qaı jerde qyzmet istemesin, árqashan óz jumysyn saraptap, zerttep otyrýy kerek. Ol jańa, tıimdi, emdeý ádisterin qoldanýǵa, tańdaýǵa múmkindik beredi. Osydan 3 jyly buryn osy konferensııaǵa qatysqan jas izdenýshiler, búginde magıstranttar men doktoranttar atanyp otyr. Aldaǵy ýaqytta olardyń ǵylymı-zertteý jumystarmen aınalysamyz deýi kóńil qýantady. Bul konferensııa jastardy ǵylymǵa tartýǵa jol ashyp otyr dese bolady. Bizdi   bıylǵy qatysýshylardyń erekshe daıyndyǵymen kelgendigi, jastardyń erekshe belsendilik kórsetkendigi  qýantty. О́tken jylǵa qaraǵanda bıyl jańa jobalardyń sany artty, sapasy jaqsardy. Jastardyń jyldan jylǵa ǵylymǵa den qoıýy artyp keledi», deıdi Qazylar alqasynyń tóraıymy,  Pedıatrııa jáne balalar hırýrgııasy ǵylymı ortalyǵynyń basshysy Rıza Boranbaeva.

Ǵylymı jobalardy pedıatrııa jáne hırýrgııa salasynyń bilikti mamandarynan quralǵan qazylar alqasy saralady. Konferensııa sońynda usynylǵan jumystar «Úzdik baıandama», «Úzdik maqala», «Úzdik posterlik baıandama» atalymdary boıynsha anyqtalyp, arnaıy dıplomdarmen marapattaldy.   Úzdik baıandamalar men ǵylymı maqalalar Pedıatrııa jáne balalar hırýrgııasy ǵylymı ortalyǵyna qarasty «Pedıatrııa jáne bala hırýrgııasy» ǵylymı jýrnalynda jarııalandy.

Jeńimpazdar «Úzdik baıandama» atalymy boıynsha:

1 oryn -  S.Asfendııarov atyndaǵy QazUMÝ-dyń PhD doktoranty, Pedıatrııa ortalyǵynyń onkogematolog dárigeri  Symbat Salıeva;

2 oryn -  S.Asfendııarov atyndaǵy QazUMÝ-dyń PhD doktoranty  Aıjan Tolǵanbaeva;

3 oryn -  S.Asfendııarov atyndaǵy QazUMÝ-dyń «Pýlmonologııa»  mamandyǵy boıynsha  (1 jyl) rezıdentiAbylaı Arystanalıev.

«Úzdik maqala»  atalymy boıynsha tómendegi mamandar marapattaldy:

1 oryn – «Pedıatrııa» mamandyǵy boıynsha  (2 jyl) rezıdent Qymbat  Karımova;

2 oryn – Ana men bala ulttyq ǵylymı ortalyǵynyń «Medısınalyq genetıka» mamandyǵy boıynsha rezıdenti Tomırıs Aýerıanova;

3 oryn - S.Asfendııarov atyndaǵy QazUMÝ-dyń «Onkologııa jáne balalar gematologııasy»  mamandyǵy boıynsha  (1 jyl) rezıdenti Dınara Egınbergenova.

«Úzdik posterlik baıandama» atalymy boıynsha:

1 oryn -  «Balalar hırýrgııasy» mamandyǵynyń (3 jyl) rezıdenti Shýhrat Rozıev;

2 oryn -  «Pedıatrııa» mamandyǵy boıynsha  (2 jyl) rezıdent Danııar Sadyqov;

3 oryn – Qazaq kóz aýrýlary ǵylymı zertteý ınstıtýtynyń (3 jyl) rezıdenti Qýanysh  Týkeshev.

Yntalandyrý syılyǵyna Quralaı Ramazanova, Magda Kýrbanova, Anar Espaeva ıe boldy.

Pedıatrııa jəne bala hırýrgııasy ǵylymı ortalyǵy emdeý mekemesi ǵana emes, tájirıbeli kadrlardy daıyndaıtyn, ǵylymı jobalardy iske asyratyn ortalyq bolyp tabylady. «Pedıatrııa» jáne «Bala hırýrgııasy» salasy boıynsha rezıdentter osynda oqytylady.

Pedıatrııa jəne bala hırýrgııasy ǵylymı ortalyǵy S.D.Asfendııarov atyndaǵy Qazaq UMÝ-dyń, «Qazaq medısınalyq úzdiksiz bilim berý»  ýnıversıteti men Respýblıkalyq medısınalyq kolledjdiń klınıkalyq bazasy bolyp tabylady. Ortalyq bazasynda bala gemotologııasy, kardıologııasy jəne revmotologııasy boıynsha qaıta daıarlyqtan ótý, pedıatrııanyń kókeıkesti məseleleri (pýlmonologııa, gemotologııa, gastroenterologııa, kardıorev-motologııa, fýnksıonaldyq naqtamalaý jəne zerthana isi) boıynsha dərigerlerdiń bilimin jetildirý sıkldary júrgiziledi.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar