Aımaqtar • 04 Naýryz, 2020

Almaty oblysynyń ákimi «Jetisý» fýtbol komandasymen kezdesti

22 retkórsetildi

Qalyptasqan dástúr boıynsha Almaty oblysynyń ákimi Amandyq Batalov premer-lıga oıyndary qarsańynda «Jetisý» kásibı fýtbol klýbynyń komandasymen, jattyqtyrýshylar quramymen kezdesti. Atap ótsek, «Jetisý» bıylǵy maýsymda óziniń alǵashqy oıynyn Aqtaý qalasynda 8 naýryzda «Kaspıı» komandasymen ótkizbek. Bul týraly Almaty oblysy ákiminiń baspasóz qyzmeti habarlady.

- Biz jyl saıyn maýsym bastalar aldynda sizdermen kezdesip, jańa maýsymnyń mindetterin belgilep, olardy tabysty júzege asyrý men týyndaǵan máselelerdi sheshý josparlaryn birge talqylaımyz. О́tken maýsymda komanda premer-lıgany 5-shi orynmen aıaqtady. Bul jaqsy kórsetkish. Endi odan ári alǵa jyljyp, 3-shi orynǵa kóterilýge tyrysýymyz kerek. Ol úshin bizde barlyq múmkindikter bar. Tabysty oıynnyń irgetasy eń aldymen myqty jattyqtyrýshylyq quram, uıymshyl komanda jáne myqty materıaldyq-tehnıkalyq bazadan quralady. Eń bastysy – erinbeı eńbektenip, oıynǵa bar kúsh-jigerdi jumsap, jeńiske umtylý kerek. Biz óz tarapymyzdan qashanda qoldaý jasaımyz, - dedi A. Batalov komanda oıynshylary men jattyqtyrýshylaryna.

Komandanyń bas jattyqtyrýshysy Dmıtrıı Ogaı atqarylyp jatqan jumystary týraly baıandap, qosymsha alańdaǵy jasandy jabyndy aýystyrý kerektigin de atap ótti. Oblys ákimi óz orynbasary Serik Turdalıevke aıtylǵan máseleni tıimdi sheshýdi tapsyrdy.

О́z kezeginde komanda kapıtany Almat Bekbaev kórsetilgen barlyq qoldaý sharalary úshin oblys basshylyǵyna rahmet aıtyp, komandanyń barlyq jıyny jaqsy ótkenin, bul oıynshylardyń jańa maýsymǵa tyńǵylyqty daıyndalýyna múmkindik bergenin aıtty. Qalyptasqan dástúr boıynsha komanda atynan A. Bekbaev oblys ákimine «7» nómirli fýtbolka men fýtbol dobyn tapsyrdy. 

Kezdesý sońynda Amandyq Batalov:

- «Jetisý» KFK – óziniń tarıhy bar qalyptasqan komanda. Biz týyndaǵan problemalardyń bárin sheshtik. Qazirgi kezde bul komandanyń quramynda bolý – sport jolyndaǵy salmaqty baspaldaq. Oblysta sportqa kóp kóńil bólinedi. Memlekettik qoldaýdyń arqasynda ótken jyly óńir sportshylary 2 myńnan astam medaldarǵa ıe boldy, sonyń 906-sy – altyn medal. Sonymen qatar jazǵy Olımpıada oıyndaryna bizdiń qorjynymyzda 6 lısenzııa bar. Biz sporttyq ınfraqurylymdy damytýdy budan bylaı da jalǵastyra beremiz. Jýyrda olımpıadalyq júzý basseınin salyp bitiremiz. Onda bizdiń fýtbolshylarymyz da jattyǵa alady, - dedi ol.

«Jetisý» KFK dırektory Serik Muqanov alǵa qoıylǵan mindetterdi oryndaýǵa bar kúsh-jigerlerin jumsap, úmit pen senim údesinen shyǵýǵa tyrysamyz dedi.

Kezdesý sońynda oblys ákiminiń orynbasary Serik Turdalıev pen oblystyq sport basqarmasynyń basshysy Nurbaqyt Teńizbaev fýtbol oıynshylaryna jeńisti jol tiledi.

Eske salsaq, voleıboldan «Jetisý» áıelder klýby da óziniń sporttyq maýsymyn bastaıdy. Qazaqstan Respýblıkasy 28-shi Chempıonatynyń Ulttyq lıgasynyń 4-shi shaǵyn týry oıyndary bastalady. 6-8 naýryz aralyǵynda «Jetisý» komandasynyń negizgi quramy «Altaı - 2», «Altaı», «Almaty» komandalarymen oınaıdy. Oıyndar Taldyqorǵan qalasyndaǵy «Jastar» Sport saraıynda ótedi.

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar