Prezıdent • 04 Naýryz, 2020

Prezıdent «Sıfrlyq Qazaqstan» baǵdarlamasyn júzege asyrý jóninde keńes ótkizdi

38 retkórsetildi

Qazaqstan Prezıdenti keńeske deıin «Smart Data Ukimet» jobasy aıasynda Bilim jáne ǵylym, Densaýlyq saqtaý, Eńbek jáne halyqty áleýmettik qorǵaý, Qarjy mınıstrlikteri men «Ulttyq aqparattyq tehnologııa» aksıonerlik qoǵamy atqarǵan jumystarynyń nátıjesimen tanysty. Sonymen qatar Memleket basshysyna «Smart Bridge» jáne Internet resýrstardyń biryńǵaı platformasy jaıynda málimet berildi. Bul týraly Aqordanyń baspasóz qyzmeti habarlady.

Qasym-Jomart Toqaev sıfrlandyrý degenimiz bir ǵana salany nemese bir baǵytty damytý emes ekenine toqtalyp, onyń eń aldymen, ekonomıkanyń, ónerkásiptiń jáne qoǵamnyń damýyna túbegeıli ózgerister ákelýi qajettigin basa aıtty. Sondyqtan barlyq memlekettik organdar men vedomstvoǵa qarasty mekemelerge ortaq monıtorıng júıesin qurýdyń mańyzdylyǵyn eskertti.

Qazaqstan Prezıdenti Sıfrlyq damý, ınnovasııalar jáne aeroǵarysh ónerkásibi mınıstrligi ozyq, zamanaýı júıelerdiń qozǵaýshy kúshi bolýy tıis ekenin, ázirge bul maqsatqa tolyq qol jetkizbegenimizdi atap ótti. Memleket basshysynyń pikirinshe, bul jumysta birtutas kózqaras, naqty júıe joq. Sonyń saldarynan sıfrlandyrý túrli vedomstvolarǵa shashyrap, jaıylyp ketken.

– «Big Data» tehnologııasyn, «jasandy ıntellekt» algorıtmin qoldaný naqty ári dál derekter bazasyn qurýǵa, qate nemese eskirgen aqparattardy anyqtaýǵa, shashyrańqy málimetterdiń birtutas jáne obektıvti kórinisin aıqyndaýǵa kómektesedi. Sondyqtan Úkimetke barlyq memlekettik organdardy jumyldyra otyryp, «Smart Data Ukimet» jobasyn qysqa merzimde iske qosýdy tapsyramyn, – dedi Qasym-Jomart Toqaev.

Prezıdent aqparattyq tehnologııa damyǵan zamanda memlekettik sıfrlyq qyzmetter kez-kelgen qarapaıym adamǵa túsinikti jáne qoljetimdi bolýy tıis ekenin jetkizdi. Sonymen qatar qandaı da bir qyzmet túrlerin iske qosar aldynda ártúrli sanattaǵy azamattardan quralǵan toptar jasaqtalyp, oǵan halyqty belsendi qatystyryp, keńesý kerek ekenin aıtty.

Qasym-Jomart Toqaev Úkimetke Indýstrııa 4.0 aıasynda atalǵan jobany keńeıtý úshin retteýdiń jáne yntalandyrýdyń keshendi sharalaryn ázirleýdi tapsyrdy.

– Memlekettik basqarý júıesinde sıfrlyq tehnologııany qoldaný – búkil baǵdarlamanyń tabysty bolýynyń basty kilti. Bul iste túbegeıli ózgerister qajet. Barlyq qujat aınalymyn tolyqtaı elektrondy formatqa kóshirý kerek. Qazirgi kezde talap etetindeı, qujattardy qaǵaz júzinde de, elektrondy túrde de daıyndap, tapsyrý durys emes. Qujattardyń qaǵaz nusqalaryna birtindep tyıym salynýy kerek, – dedi Memleket basshysy.

Prezıdent tıisti zańnamalyq aktilerge, memlekettik organdardyń jumys reglamentterine qajet bolǵan jaǵdaıda ózgertýler engizý kerek ekenine nazar aýdaryp, Úkimetke, Parlament palatalarynyń Apparattaryna, basqa da organdarǵa osy baǵytta tolyqqandy sharalar qabyldaýdy tapsyrdy.

Memleket basshysy taǵy bir ózekti másele retinde óńirlerdi sıfrlandyrý jaǵdaıyn aıtty. Bul jumysta alǵa jyljý bolǵanmen, ár aımaqta jáne barlyq salada birkelki iske aspaı jatqanyn jetkizdi.

– Bıznes pen azamattar tarapynan joǵary suranysqa ıe, biraq sybaılas jemqorlyq jıi bolatyn salalarda sıfrlandyrý óte baıaý júrgizilýde. Bul jer telimderin berý, tabıǵı monopolııalardyń qyzmetterine qosylý, qoǵamdyq kólikte jolaqy tóleý júıesi jáne basqa da salalarda kóptep kezdesedi. Jergilikti atqarýshy organdar atalǵan máselege qatysty belsendi jumys isteıdi dep senemin. Sıfrlyq damý mınıstrligi bul jumysty tıisti deńgeıde jolǵa qoıýy tıis. Prezıdent Ákimshiligine baqylaýǵa alýdy tapsyramyn, – dedi Qasym-Jomart Toqaev.

Memleket basshysy ınternettiń joqtyǵyn nemese onyń baıaý jumys isteıtinin aıta kelip, qala men aýyl turǵyndary arasynda «sıfrlandyrý alshaqtyǵy» bar ekenin atap ótti.

– Bul jaı ǵana alshaqtyq emes, áleýmettik teńsizdik. Sondyqtan Úkimet «sıfrlyq alshaqtyqty» retteý jumystaryn jandandyrýy qajet, – dedi Prezıdent.

Qasym-Jomart Toqaev Qazaqstandaǵy derekter bazasynyń eselep artýyna qaraı tıisti ınfraqurylym men servıs daıyndaý qajettigine nazar aýdardy.

Memleket basshysy elimizdiń sheteldik ázirlemeler men tehnologııalarǵa álde de táýeldi ekenin aıtty. Sondyqtan qajetti  IT jobalardy ázirlep, engizý úshin Úkimetke «Astana Hab», «Alataý» Innovasııalyq-tehnologııalar parki, «Nazarbaev Ýnıversıteti» kásiporyndarynyń áleýetin arttyrý jumystaryn jandandyrýdy tapsyrdy.

– Halyqaralyq jaǵdaılardy eskere otyryp, zańnamalyq deńgeıde básekege qabiletti otandyq ázirlemelerge basymdyq bere otyryp, satyp alý máselesin pysyqtaý qajet. Bul eń aldymen memlekettik sektorǵa qatysty. Sol sebepti Úkimetke sıfrlyq jobalardy kelisý rásimderin jeńildetý jóninde usynys berýdi tapsyramyn. Bizdiń zańnamalarda bazalyq ádister bekitilgen. Sonymen qatar venchýrlyq qyzmetti tolyqtaı tártipke keltirý jáne yntalandyrý máselesin de oılastyrý qajet, – dedi Qasym-Jomart Toqaev.

Qazaqstan Prezıdenti Úkimet pen UQK birlesip aqparattyq resýrstardy jáne jalpy «sıfrlyq derbestikti» tıimdi qorǵaýdy qamtamasyz etý jóninde tapsyrma berdi. Onyń aıtýynsha, bul maqsatta aqparattyq qaýipsizdiktiń 10 jedel ortalyǵyn qurý jumysyn jalǵastyrý qajet. Sondaı-aq «aqparattyq qaýipsizdik» mamandyǵy boıynsha bilim berý grantyn kemi eki myńǵa deıin arttyrý kerek.

Memleket basshysy sıfrlandyrý salasyna jaýapty vıse-mınıstrler memlekettik apparattyń jumysyna oń ózgerister ákelýi qajettigin, sonymen qatar, olar ekonomıkada jáne basqa da salalarda sıfrlyq reformalardy qolǵa alýy tıis ekenin atap ótti.

– Olardyń mindeti – kúndelikti jumys emes, reformalar men ózgeristerdi iske asyrý. Osy rette, memlekettik organdarda sıfrlandyrý ofıseri laýazymyn engizý kerek. Jergilikti jerlerde ákimniń naqty bir orynbasaryn sıfrlandyrýǵa jaýapty etip bekitý qajet. Olar Sıfrlyq damý mınıstrligimen tyǵyz jumys isteýi tıis, – dedi Prezıdent.

Jıyn sońynda Qasym-Jomart Toqaev sıfrandyrý memlekettik mańyzdy is, el ekonomıkasynyń damýy atalǵan salaǵa tikeleı baılanysty ekenin basa aıtty.

Keńeste Sıfrlyq damý, ınnovasııalar jáne aeroǵarysh ónerkásibi mınıstri Asqar Jumaǵalıev, Premer-Mınıstrdiń birinshi orynbasary – Qarjy mınıstri Álıhan Smaıylov, Eńbek jáne halyqty áleýmettik qorǵaý mınıstri Birjan Nurymbetov, Almaty qalasynyń ákimi Baqytjan Saǵyntaev baıandama jasady.

Sońǵy jańalyqtar

Memleket qoldaýy eńse kótertti

Aımaqtar • Búgin, 13:25

Qyzylorda: Naýqastardyń jaǵdaıy qalypty

Koronavırýs • Búgin, 13:21

«Barysqa» daýys bereıik!

Sport • Búgin, 13:15

Almatyda indet oshaǵy qaıta kóbeıdi

Aımaqtar • Búgin, 13:15

Sý tasqynyna qarsy áreketter bastaldy

Aımaqtar • Búgin, 13:00

Juqpaly aýrýlar jaıly jaýhar fılmder

Rýhanııat • Búgin, 12:50

Almatyda onlaın jattyǵý ótedi

Sport • Búgin, 11:51

Jalǵan aqparat taratqan muǵalim ustaldy

Koronavırýs • Búgin, 11:45

Túrkistan: Kásipkerlerdiń kómegi kóp

Aımaqtar • Búgin, 11:13

Naýqastyń jeke deregin kim taratty?

Aımaqtar • Búgin, 10:59

Aqyn Amanhan Álimuly dúnıeden ótti

Rýhanııat • Búgin, 10:53

Qaıyrymdylyq aksııasynyń aýqymy keń

Aımaqtar • Búgin, 09:40

Shekteý sharalary qatań saqtalýy tıis

Koronavırýs • Búgin, 09:18

Meıirlannyń músinderi

Rýhanııat • Búgin, 08:05

Memleket basshysynyń qamqorlyǵy

Qoǵam • Búgin, 07:50

Kúı qudireti

Rýhanııat • Búgin, 07:43

Daýys galereıasy

Rýhanııat • Búgin, 07:39

Aq jeleńdilerge alǵys aıtty

Rýhanııat • Búgin, 07:35

El áńgimelerin ekshegen

Rýhanııat • Búgin, 07:28

Tórt túlik kóbeıse, toqshylyq keledi

Ekonomıka • Búgin, 07:26

Tarıhta qalǵan indetter

Tarıh • Búgin, 07:22

Nesıe tóleýdi toqtata turý tártibi

Ekonomıka • Búgin, 07:21

Uqsas jańalyqtar