Medısına • 05 Naýryz, 2020

Koronavırýs: saqtyq sharalary kúsheıtildi

514 retkórsetildi

Koronavırýstyń aldyn alý sharalaryn odan ári kúsheıtý maqsatynda Qazaqstannyń bas sanıtarlyq dárigeri Jandarbek Bekshın qaýly jarııalady. Jańa qujatpen tanystyrǵan Densaýlyq saqtaý mınıstrliginiń resmı ókili Dıas Ahmetshárip indetke baılanysty eldegi jáne álemdegi jaǵdaıǵa da toqtaldy.

Qaýlyǵa sáıkes 1-sanatqa enetin elder 1 «A» jáne 1 «B» sııaqty eki topqa jikteldi. Sońǵy eki apta ishinde 1 «A» tobyndaǵy elderge barǵan adamdar Qazaqstanǵa kelgen soń stasıonarda 14 kún oqshaýlanady. 1 «A» tobyndaǵy elder – Qytaı men Iran Islam Respýblıkasy. Al 1 «B» tobyndaǵy elderden kelgender 14 kún úı karantıninde bolýy shart. 1 «B» tobyna Ońtústik Koreıa, Gonkong, Makao, Taıvan, Japonııa jáne  Italııa jatady. Bul shara resmı jáne úkimettik delegasııalarǵa, qyzmettik jáne dıplomatııalyq pasport ıelerine, avıakompanııanyń ushqyshtary men ekıpaj múshelerine, lokomotıv brıgadalary men temirjol kóligimen baılanysty tulǵalarǵa, sondaı-aq halyqaralyq avtomobıl tasymaldarymen aınalysatyn júrgizýshilerge qatysty emes.

Fransııa, Germanııa, Taıland, Ázerbaıjan sııaqty 2-sanatqa enetin memleketterden kelgen jolaýshylar 14 kún medısınalyq qyzmetkerdiń qońyraý shalýy arqyly baqylanady. Buǵan osy elderde bolǵan resmı jáne úkimettik delegasııalardyń músheleri, qyzmettik jáne dıplomatııalyq pasport ıeleri, áýekompanııalardyń ushqyshtary men ekıpaj músheleri, lokomotıv brıgadalary, temirjol kóligimen baılanysty adamdar, sondaı-aq 1-sanattaǵy eki toptaǵy elderden halyqaralyq avtomobılmen júk tasymaldaıtyn júrgizýshiler enedi.

3-sanattaǵy memleketterdiń qatarynda Birikken Arab Ámirlikteri, Ispanııa, Malaızııa, Irak, Shveısarııa, Ulybrıtanııa, Bahreın, Kýveıt, Sıngapýr, AQSh bar. Bul elderden kelgender tek saýaldama toltyryp, esepke alynady.

Osydan keıin D.Ahmetshárip koronavırýs boıynsha elimizdegi jáne álemdegi jalpy jaǵdaıdy baıandady. «1 aqpan men 1 naýryz aralyǵynda barlyq elderden 1 606 851 adam keldi. Olardyń 938 309-y Eýrazııalyq ekonomıkalyq odaqtan kelgender. 6 aqpan men 1 naýryz aralyǵynda Qytaıdan 32 456 adam kelgen. 20 aqpan men 4 naýryz aralyǵynda Qytaıdan kelgen 315 adamnyń 64-i – Qazaqstan azamaty, 251-i – sheteldikter. Sonyń ishinde 248 Qytaı azamaty karantınde jatyr. Al Irannan  24 adam keldi. 9-y qazaqstandyq bolsa,  15-i –  ırandyq. Olardyń 63-i laboratorııalyq tekserýden ótti, vırýs anyqtalǵan joq. 1 «B» toby boıynsha 512 adam úı karantıninde. Olardyń 393-i  Qazaqstan azamaty bolsa, 119-y – sheteldikter. Atap aıtqanda, 50-i – Ońtústik Koreıa, 65-i – Italııa, 4-i – Japonııa azamaty. JRVI jáne tumaý belgilerimen 12 adam stasıonarǵa jatqyzyldy. Olardyń 9-y Ońtústik Koreıadan kelse, bireýi Italııadan, al ekeýi Maltadan kelgen», dedi ol.    

Resmı ókildiń málimetinshe, 20 aqpan men 3 naýryz aralyǵynda 2-sanatqaa jatatyn Sıngapýr, Taıland, Ázerbaıjan elderinen jalpy 1965 adam  monıtorıngqa alynǵan. Olar alǵashqy 14 kún boıy dárigerdiń baqylaýynda bolady. Búginde olardyń biri qashyqtyq baqylaýda. 15 adam laboratorııalyq tekserýden ótip, 14-inde vırýs anyqtalǵan joq. Qalǵan bir azamattyń qan synamasy tekserilýde. «1 aqpannan bastap 2-sanat boıynsha JRVI jáne tumaý belgilerimen 23 adam aýrýhanaǵa jatqyzyldy. Olardyń 11-i Taılandtan, 3-i Sıngapýrdan, 1-i Malaızııadan, 3-i Koreıadan,  3-i Gonkongtan, al 2-i Ázerbaıjannan kelgen. Olardyń 12-si aýrýhanadan shyǵaryldy, 11 adam áli stasıonarda. Osy aralyqta Taılandtan – 689,  Ońtústik Koreıadan  – 527, Gonkongtan – 97, Japonııadan – 42, Iran Islam Respýblıkasynan – 14, Malaızııadan – 1, Ázerbaıjannan – 1, Sıngapýrdan 9 adam keldi», deıdi D.Ahmetshárip.

3-sanatqa Bahreın, Ulybrıtanııa, Germanııa, Ispanııa, Kýveıt, Malaızııa, Birikken Arab Ámirlikteri, AQSh jáne Fransııa kiredi.  «20 aqpan men 4 naýryz aralyǵynda 4 985 adam 24 kún boıy dárigerdiń baqylaýynda boldy. Laboratorııalyq tekseristen 2 adam ótti, bireýiniń nátıjesi teris bolyp, ekinshi analız tekserilýde. 1 aqpannan bastap 3 kategorııa boıynsha JRVI jáne tumaý belgilerimen 15 adam aýrýhanaǵa jatqyzyldy. Olardyń bireýi Fransııadan, 11-i Dýbaıdan, bireýi Malaızııadan, taǵy biri Gollandııadan kelgen. Al bir adam baılanysta bolǵan. Bulardyń 3-i aýrýhanadan shyǵaryldy», deıdi resmı ókil.

Indettiń oshaǵy bolǵan Qytaıda koronavırýsty juqtyrǵandardyń sany 80 302-ge jetip, 2946-sy qaıtys bolǵan. Al emdelip shyqqandardyń sany – 47 260  adam. 30 096 naýqas áli kúnge aýrýhanada emdelýde.  D.Ahmetsháriptiń aıtýynsha, kóz jumǵandardyń ortasha jasy – 75 jas. Eń jasy 78-de, al eń úlkeni 89 jastaǵy qarııa.  «Álem boıynsha 76 elde  12 575  naýqas tirkelgen. Olardyń 221-i qaıtys boldy. Iranda – 77,  Italııada  – 79, Ońtústik Koreıada – 34, krýızdik laınerde – 7 , Japonııada – 6, AQSh-ta – 9, Fransııada – 4, Fılıppınde – 1, Taılanda – 1, Aýstralııada – 1, San-Marınoda 1 adam qaıtys boldy. Táýliktik ósim 24,1 paıyzdy quraıdy», deıdi Densaýlyq saqtaý mınıstrliginiń resmı ókili. 

Sońǵy jańalyqtar

Tasqynǵa – tosqyn

Aımaqtar • Búgin, 13:25

Qazaqstanda koronavırýstan 55 adam aıyqty

Koronavırýs • Búgin, 12:50

Qaıyqshy atanyń hıkaıasy

Rýhanııat • Búgin, 12:39

Jyl basynan beri zeınetaqy eki ret ósti

Ekonomıka • Búgin, 11:30

Qaraquıryqty atqan qoryqshy ustaldy

Aımaqtar • Búgin, 10:54

Toıdyń sońy topyrlaǵan aýrý

Aımaqtar • Búgin, 10:22

Uǵyna bilgenge – ult taǵdyry

Saıasat • Búgin, 06:57

Kóńilge medet bolǵan maqala

Rýhanııat • Búgin, 06:56

Qıyndyqpen birge jeńildik bar

Qoǵam • Búgin, 06:32

«Birlik joq jerde – tirlik joq»

Qoǵam • Búgin, 06:26

El bolyp eńseremiz

Saıasat • Búgin, 06:20

Jańa aýrýhana 12 kúnde salynady

Elorda • Búgin, 06:17

Daýyl «dertimizdi» anyqtap berdi

Aımaqtar • Búgin, 06:14

Býmerang

Rýhanııat • Búgin, 05:54

Qorǵaýshylarǵa da qoldaý qajet

Aımaqtar • Búgin, 05:46

Toıdyń sońy topyrlaǵan syrqat

Aımaqtar • Búgin, 05:43

Uqsas jańalyqtar