Qazaqstan • 04 Naýryz, 2020

Ulttyq kınony qoldaý memlekettik ortalyǵynyń qyzmeti talqylandy

30 retkórsetildi

Ortalyq kommýnıkasııalar qyzmetinde Mádenıet jáne sport vıse-mınıstri, «Ulttyq kınony qoldaý memlekettik ortalyǵy» dırektorlar keńesiniń tóraǵasy Nurqısa Dáýeshevtiń, Mádenıet jáne óner isteri departamentiniń dırektory Kúmis Seıitovanyń jáne «Ulttyq kınony qoldaý memlekettik ortalyǵy» KEAQ Basqarma Tóraıymy Gúlnar Sársenovanyń qatysýymen ótken baspasóz konferensııasynda Ulttyq kınony qoldaý memlekettik ortalyǵynyń qyzmeti jáne mindetteri týraly aıtyldy.

Kınoındýstrııanyń qazirgi jaǵdaıy týraly suraqqa jaýap bere kelip, spıkerler 2019 jyl búkil qazaqstandyq kınematograf úshin aıtýly bolǵanyn atap ótti. Respýblıkada «Kınematografııa týraly» zań qabyldandy, muny kınematografıster kóptegen jyldar boıy kútip edi. Endi, mine, Qazaqstanda óte mańyzdy ózgerister bolady. Osy zańnyń arqasynda rýhanı, patrıottyq qýat beretin, Qazaqstannyń qaıtalanbas ásemdigin kórsetetin, bizdiń halyqtyń ónegelik sulýlyǵyn pash etetin fılmderge qoldaý kórsetýge arnalǵan Ulttyq kınony qoldaý memlekettik ortalyǵy quryldy.

«Memlekettiń kómegine úmitker kartınalar kórkemdiginen, shyn máninde qyzyqty ssenarııinen bastap birqatar talaptarǵa saı bolýy jáne túsirýshi toptyń joǵary kásibı sheberligimen erekshelenýi tıis. Osynyń arqasynda bizdiń kınematografıster ózderin tek qarjymen ǵana emes, sondaı-aq oqý jáne sheteldik áriptesterimen jumystyń biregeı tájirıbesin alý múmkindigimen qamtamasyz etedi», - dedi N. Dáýeshov.

Memleket qarjylandyrǵan fılm prokatynan túsken jalpy tabystyń 20%-y ulttyq fılmderdi odan ári damytý jáne qarjylandyrý úshin Kınoortalyqqa qaıtarylatyny, al 80%-yn óz kompanııasyn damytý, óz qyzmetkerleriniń daǵdysyn shyńdaý jáne óndiristiń basqa mańyzdy máseleleri úshin prodıýserdiń alatyny mańyzdy bolyp otyr. Bul rasynda da tek shyndap eńbek etýge jáne yntymaqtastyqtyń adal erejesin qabyldaýǵa daıyn naryq qatysýshylary úshin óte myqty qoldaý. Buǵan qosa, mundaı praktıka bıyldyń ózinde Kınoortalyqqa úsh fılmnen túsetin alǵashqy tabysty qamtamasyz etýi tıis.

«Munda taǵy «biryńǵaı kınobılet» problemasy bar. Biryńǵaı aqparattyq júıesiz biz Qazaqstanda kınobıznesti damyta almaımyz. Búgingi kúni bizde esepteýdiń avtomattandyrylǵan júıesi joq, kınonaryqqa durys taldaý jasaı almaımyz, kıno kórermenderimen keri baılanys joq. Kóptegen elderde – kórshi Resede, Grýzııada, Ýkraında, mundaı júıeler jumys istep tur. Bizdiń Memlekettik ortalyqtyń maqsaty – osy júıeni barlyq kınoteatrlarda engizýge tyrysý. Sonda ǵana bizge jalpy kórinis túsinikti bolady, jáne biz naryqty retteı alamyz», - dep atap kórsetti G.Sársenova.

Sheteldik kıno shyǵarýshylarmen seriktestik te ózara tıimdi bolady. Qazaqstanda sheteldik kınokompanııalarǵa kıno shyǵarý qyzmeti qunynyń 30%-na deıin sýbsıdııa beriletin halyqaralyq tájirıbe engizildi. Qazaqstanda túsirýge daıyn kınematografısterdiń tizbesi de bar. Ádette, basqa elderdiń rejısserlerin bizdiń lokasııalar, ınfraquryrylym jáne tabıǵattyń kórneki jerleri qyzyqtyrady.

«Bul Qazaqstanda qalatyn aqsha. Sheteldik kompanııa operatorlar jaldaıdy, kostıýmder alady, grımdi, kólikti tóleıdi, olar bul jerde jumsaıtyn shyǵystyń barlyǵy bizdiń elimizde qalady. Iаǵnı biz basshylyqqa ala alatyn ekonomıkalyq óte tıimdi júıe. Sonymen qatar týrıstik klaster damýda. Kınotýrızm – bul búgingi álemdik trevel-ındýstrııanyń eń tyń ári qyzyqty baǵyttarynyń biri», - dep óz pikirin bildirdi K.Seıitova.

«Qazaqstan kınoındýstrııasynda kópten kúttirgen eń mańyzdy oqıǵalardyń biri óz ýaqytyna jetti. Bizdiń kınematografıster bul konkýrsqa úlken qyzyǵýshylyq bildirip otyr – túsken ótinimder sany birinshi konkýrstyń sıfrlarynan eki ese asyp tústi. Kıno ındýstrııasynyń tanymal kásipqoı mamandarynan quralǵan komanda 250-den astam ótinimdi qarastyrdy jáne qarjylaı qoldaýǵa úmitker bola alatyn 88 neǵurlym perspektıvalyq jobalardy iriktep aldy. Bul pıtchıngtiń biregeıligi jáne basty ereksheligi – qalaý bildirgen kez kelgen adam jobalardyń qorǵalýyn Kınoortalyqtyń YouTube-gi resmı arnasynan onlaın rejımde qadaǵalaı alady», - dedi G. Sársenova.

Esterińizge sala ketsek, «ulttyq fılm» ataǵyna halyqaralyq festıvaldarǵa qatysý úshin aıqyn áleýeti bar avtorlyq/arthaýstyq kartınalar da, kópshilik kórermenge arnalǵan kommersııalyq kórkem jáne anımasııalyq fılmder de, sondaı-aq derekti jáne qysqa metrajdy kınojobalar men halyqaralyq birlesken ónim birdeı dárejede úmitker bola alady.

Sońǵy jańalyqtar

Aınurdyń ádemi álemi

Rýhanııat • Búgin, 14:13

Atyraýda 700-ge jýyq ekspress-test bar

Aımaqtar • Búgin, 14:07

Memleket qoldaýy eńse kótertti

Aımaqtar • Búgin, 13:25

Qyzylorda: Naýqastardyń jaǵdaıy qalypty

Koronavırýs • Búgin, 13:21

«Barysqa» daýys bereıik!

Sport • Búgin, 13:15

Almatyda indet oshaǵy qaıta kóbeıdi

Aımaqtar • Búgin, 13:15

Sý tasqynyna qarsy áreketter bastaldy

Aımaqtar • Búgin, 13:00

Juqpaly aýrýlar jaıly jaýhar fılmder

Rýhanııat • Búgin, 12:50

Almatyda onlaın jattyǵý ótedi

Sport • Búgin, 11:51

Jalǵan aqparat taratqan muǵalim ustaldy

Koronavırýs • Búgin, 11:45

Túrkistan: Kásipkerlerdiń kómegi kóp

Aımaqtar • Búgin, 11:13

Naýqastyń jeke deregin kim taratty?

Aımaqtar • Búgin, 10:59

Aqyn Amanhan Álimuly dúnıeden ótti

Rýhanııat • Búgin, 10:53

Qaıyrymdylyq aksııasynyń aýqymy keń

Aımaqtar • Búgin, 09:40

Shekteý sharalary qatań saqtalýy tıis

Koronavırýs • Búgin, 09:18

Meıirlannyń músinderi

Rýhanııat • Búgin, 08:05

Memleket basshysynyń qamqorlyǵy

Qoǵam • Búgin, 07:50

Kúı qudireti

Rýhanııat • Búgin, 07:43

Daýys galereıasy

Rýhanııat • Búgin, 07:39

Uqsas jańalyqtar