Abaı • 05 Naýryz, 2020

«Men – kishkentaı Abaımyn»

64 retkórsetildi

Aqmola oblysy Zerendi aýdany oqý bóliminiń ádistemelik kabıneti ókilderiniń uıymdastyrýymen jergilikti oqýshylar arasynda belgili aqyn, halyqaralyq «Alash» syılyǵynyń laýreaty, atalǵan aýdannyń qurmetti azamaty Qorǵanbek Amanjoldyń qalamynan týǵan «Kishkentaı Abaılar» atty óleńdi mánerlep oqýdan baıqaý ótti.

Uly aqynnyń 175 jyldyǵyna oraı ótken sharany baǵalaýdyń sharty ózgesheleý boldy. Iаǵnı, baıqaýǵa qatysýǵa nıet bildirgen oqýshy áýeli, bilim bóliminiń ınstagram paraqshasyna joǵarydaǵy jyrdy mánerlep jatqa oqyǵan beıne kórinisin júkteýi tıis. Nátıjesinde, beı­ne kórinisti tamashalaǵan kórermenniń onlaın daýys berýi arqyly jeńimpaz pen júldegerler anyq­taldy.

«О́mir mynaý ókinishten turady.

Bir jas aqyn ǵasyl bolǵan murady:

«Sender meni uqpaısyńdar, shirkin-aı,

Men kishkentaı Abaımyn» dep jylady.

 

«Men – kishkentaı Abaımyn ǵoı, jarandar,

Mende Abaısha jyrlaıtuǵyn qalam bar.

Sender meni uqpasańdar – uqpańdar,

Al túbinde uǵatuǵyn ǵalam bar.

 

Men – kishkentaı, quıttaı ǵana Abaımyn.

Uqpasańdar kóńilge muń jamaımyn.

Quıttaı Abaı júregimmen – Abaısha

Tantyq sózdi tars urýǵa jaraımyn»

– dep bastalyp 10 shýmaqtan turatyn aqyn óle­ńin mánerlep oqyǵan jas talanttar arasynan 1946 daýys jınaǵan Qyzylsaıa orta mektebiniń oqý­shysy Tilegen Amantaı bas júldeni ıelense, birinshi oryn – 1222 daýys jınaǵan Birlestik orta mektebiniń oqýshysy Injý Raıymbektiń, ekinshi oryn 1150 daýys jınaǵan Keńótkel negizgi mektep oqýshysy Erqanat Dosymbektiń enshisine buıyrdy. Úshinshi orynǵa 1146 daýys jınaǵan M.Ǵabdýllın atyndaǵy Zerendi orta mektep oqýshysy Mereı Haıyrmollova ıe boldy.

 

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar