Aımaqtar • 05 Naýryz, 2020

Salada qyz-kelinshekterdiń qatary az

33 retkórsetildi

Jer betindegi adam balasynyń 50 paıyzy áıel bolsa, sonyń 28,4 paıyzy ǵylymmen aınalysady eken. Bul – 2018 jylǵy kórsetkish. 2019 jyldyń derekteri áli jańartylmapty. Biraq BUU-nyń bul kórsetkishke kóńili tolmaı otyr. Olar ǵylymdaǵy áıelderdiń úlesin, tym bolmasa 40 paıyzǵa kótergisi keledi. Bul rette, Ortalyq Azııa elderi áıelderiniń múmkindiginen úmittenedi.

Álemdik qoǵamdastyq názik jandardyń ǵylym, bilim­men aınalysýyn olardyń buǵa­nasy qatpaı turǵan kezden bastap qadaǵalaý jáne yntalandyrý kerek degen sheshimge kelipti.

Almatydaǵy BUU úıinde jınalǵan Ortalyq Azııa elderi­nen kelgen jas qyzdar men kelin­shekter ózderiniń ǵylym-bilim jolyndaǵy jeńisteri men jeńilisteriniń formýlasy bo­ıynsha oı bólisti. Jıyn Birikken Ulttar Uıymynyń Bas hatshysy Antonıý Gýterrıshtiń beıne-joldaýymen ashyldy. Odan keıingi tizgin IýNESKO-nyń Almaty bıýrosynyń ókili Krıstına Tovmasıan hanymǵa berildi.

 IýNESKO ókiliniń bas-aıaǵy 10 mınýtqa sozylǵan baıandamasynda aıtylǵan jaıttardy qazaqy paıymǵa aýdarsaq – «usha bilgen qanatqa dúnıe keń». Ǵylym men aqparattyq tehnologııanyń damýy bir-birimen teketiresip qaldy. Ǵylymmen aqparattyq tehnologııanyń múmkindigi tutas memleketterdiń kelbetin 50 jylda emes, 1 jylda-aq jańartyp jatyr.

Tájikstan ǵylym akademııa­sy Muzdyqtardy zertteý ortaly­ǵynyń jas mamany Dılorom Djalolova otbasynda túsinistik, erli-zaıyptylardyń arasynda senim bolsa ǵylymmen aınalysýǵa kedergi joq ekenin aıtty. Bıyl 26 jasqa tolatyn Dılorom arnaıy ekspedısııamen Antarktıkadaǵa baryp ta kelipti.

«Otbasyn qurǵan soń joldasym aınalysyp júrgen salama túsinbeı qarady. «Munyń Tájikstanǵa ne qatysy bar? Basqa salaǵa aýys» degen talap qoıdy. Keıin ujymymmen aralasqan soń túsindi. Kúdik te seıildi. Jaqynda issaparǵa shyqqan kezde de eshqandaı problema bolǵan joq»  dedi Dılorom Djalolova.

Sondaı-aq Natalıa Kım «Bıoalýantúrlilik», Arı­na Mıasoed «Klımat» jáne Iаgshı­mýrat Annamýradov «Tabıǵı apattar» sııaqty 6 taqyryptyq «stansalar» boıynsha mektep oqýshylarymen ınteraktıvti sessııalar men vıktorınalyq oıyndar ótkizdi. Oıyndarda ǵylymnyń kúndelikti ómirde alar orny keńinen qam­tylǵan jáne elimizdegi eko­logııalyq ahýaldy sheshý joldary berilgen. Osy oraıda aıta keteıik, ǵylym salasynda áıelder áli kúnge deıin túrli qıyndyqtarǵa tap bolyp keledi. Álemdik uıymnyń ókilderi osylaı dep paıymdaıdy.

Bul tarapta arnaıy zertteý de júrgizilipti. IýNESKO-nyń zertteýi boıynsha ǵylym, bilimde júrgen bakalavr nemese magıstr deńgeıindegi áıelderdiń úlesi doktorantýraǵa jetken kezde kúrt kemip ketedi. Sol sebepti BUU, IýNESKO ǵylym jolynda júrgen kelinshekter men ǵylymǵa beıim jas qyzdardy yntalandyrýǵa qulshynyp otyr.

 

Almaty

 

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar