Aımaqtar • 05 Naýryz, 2020

Alys aýyldaǵy balalar teatry

422 retkórsetildi

Balalar teatrynyń shákirtteri bir jylda 10 Gran-prı ıelenipti.

Drama teatr, komedııalyq teatr, qýyrshaq teatry, jastar teatry, jasóspirimder teatry... Osylaı jipke tize bersek, jalǵasa beredi. Al balalar teatry týraly estigenderińiz bar ma? Estimeseńizder, aıtaıyq. Osydan týra bir jyl buryn shekara shebindegi, shalǵaıdaǵy Tarbaǵataı aýdanynyń Aqsýat aýylynda tuńǵysh ret balalar teatry qurylǵan bolatyn. Jaqynda óner dep júregi soqqan, talantty hám talapty oqýshylardan quralǵan mádenıet oshaǵy bir jyldyǵyn atap ótti.

qoı

Jáı ǵana atap ótpeı, bıyl 175 jyldyǵy toılanyp jatqan hákim Abaıdyń shyǵarmalary negizinde «Maqsutym – til ustartyp, óner shashpaq» atty qoıylymdy sahnalady.

 

Arqadan Aqsýatqa

Qazir shynyn aıtqanda, alystaǵy aýyl túgili tórt qubylasy saı degen qalada teatr ashý ońaı sharýa emes. Aqsýattaǵy balalar teatrynyń rejısseri, belgili akter, Mádenıet salasynyń úzdigi Beıbit Qusanbaev balǵyndarǵa arnalǵan rýhanııat ordasynyń shańyraq kóterýine Tarbaǵataı aýdandyq Mádenıet úıiniń dırektory, óner janashyry Sháken Kópshikbaeva úlken yqpal etkenin aıtady.

sháken

(Sháken Kópshikbaeva jáne "Tamshy" teatrynyń ónerpazy Aıǵanym Mádikova)

«2014 jyly Nur-Sultan qalasyndaǵy Jastar teatrynda eńbek etip júrgen kezimde «Taǵylym tamshylary» atty rýhanı teatr ashyp, jumysty bastaǵanbyz. 2018 jyly týǵan jerim Zaısanǵa, anamnyń qasyna kóship keldim. Sol jaqta júrgenimde Tarbaǵataıdan Sháken apaıymyz habarlasty. Áýeli Mádenıet úıine qoıylym qoıýǵa shaqyrǵan. Maǵan ol kisiniń ónerge degen kózqarasy unady. О́nerge degen janashyrlyǵy tánti etti. Jasyratyny joq, qazir mundaı adamdar óte az. Talaı jerde qyzmet ettim. Kóz jetti, kóńil tústi degendeı. Kóbiniń maqsaty – paıda tabý. О́z basym ónerdi tabys kózi dep qaraıtyndardy túsinbeımin. Taza, adal jumys istep, elge qyzmet etkim keledi. Zaısannan Tarbaǵataıǵa aýyspaq oıǵa bekinip, anamnan ruqsat suraǵanda: «О́zińdi qadirleıtin, qurmetteıtin jerge bar» dedi. Sóıtip, osy jaqqa kóship keldik» deıdi Elordada san jyl qyzmet atqaryp, búginde elge taban tirep, Arqadan Aqsýatqa at aýystyrǵan bilikti maman.

teatr

Beıbit Qusanbaevtyń jetekshiligimen qurylǵan balalar teatrynda búginde 60-qa jýyq oqýshy bar. Olar úlken top jáne kishi top dep ekige bólinedi eken.

ańsar

«Tamshy» balalar teatry bir jyl muǵdarynda Tarbaǵataı óńirinen shyqqan aqyn-jazýshylardyń shyǵarmashylyq keshterine belsene qatysyp, «Izgi urpaq» atty qoıylym ázirlepti. Osy qoıylymmen oblystyq, respýblıkalyq, halyqaralyq baıqaýlarǵa baryp, birneshe márte júldeger atanypty. Jalpy, balalar teatrynyń shákirtteri bir jylda 10 Gran-prı ıelenipti.

 

KVN-di tastap, teatrǵa aýysqan boıjetken

Bizdi bir súısindirgeni, bul teatrda balany ónerge baýlýdan buryn onyń tártibi men tárbıesine erekshe kóńil bólinetindigi. «Bizde tártip óte qatal. Birinshi kezekte mekteptegi sabaǵyna qaraımyn. Ár sabaqqa kelgen saıyn kúndelikterin tekseremin. Mekteppen tyǵyz baılanysta jumys isteımiz. Ekinshi, úıde ata-anasyn qurmetteýine, óz úıindegi sharýalarǵa beı-jaı qaramaýyna mán beremin. О́ıtkeni, «Beıbit aǵanyń tapsyrmasyn istep jatyrmyn» dep syltaýratyp, úı sharýasyn istemeı qoıǵan balalar da bolǵan. Úshinshi kezekte óz sabaǵyma kirisemin. Sabaq bala boıyndaǵy artyq aqparattardy, ıaǵnı, qoqystardy tazalaýdan bastalady. Arnaıy jattyǵýlar bar. Máselen, meniń shákirtterim chıpsy, kırıeshkı, Koka-kola sekildi hımıkattardy jemeıdi, ishpeıdi. Meniń jattyǵýlarym – balalarǵa Abaı men Shákárim óleńderin jattatý. О́leńderdi jattaý arqyly dıksııa durystalady, este saqtaý qabileti jaqsarady. Tilderi múkis bolmaıdy. О́leńderdi jáı oqyp, jattap qana qoımaı, mán-maǵynasyna úńilemiz. О́leń ne týraly, ne aıtqysy keldi, kimge aıtty, qandaı jaǵdaıda aıtty degendeı. Sol kezde bala sanasyna toqıdy. Jáı jattaǵan nárse tez umytylady» deıdi shákirtterine tárbıe men bilimdi teń sińirýge baryn, janyn salyp júrgen ustaz.

beıbit

("Tamshy" balalar teatrynyń rejısseri Beıbit Qusanbaev sol jaqta)

Balalar teatryna alǵashqy kúnnen qatysyp, bir jyl ishinde birneshe baıqaýda bas júlde alǵan, Aqsýattaǵy Kárim Nurbaev atyndaǵy orta mekteptiń 9 synyp oqýshysy Aıǵanym Málikova buryn teatr ónerine qyzyqpaǵanyn jetkizdi. «О́ıtkeni, men teatrǵa deıin KTK (KVN) oıyndaryna qatysyp júretinmin. Teatrǵa kelgennen keıin eki ónerdiń aıyrmashylyǵyn baıqadym. Maǵan teatr qymbatyraq ári baǵalyraq kórindi. KVN-di qoıyp, teatrda qalam dep sheshim qabyldadym. О́ner jolyna túskim keledi. Almatydaǵy Júrgenov akademııasyna barǵym keledi. Teatrdaǵy sabaqtar unaıdy. 5 mınýt turmaq 1 mınýtqa da keshikpeımiz. Keıde ózimizdi memlekettik mekemede isteıtin adamdaı sezinemiz. Barlyq jerge ýaqytynda baramyz. Teatr ashylǵanda kóp nárseni durys túsinbeı júrdim. Qazir chıpsy, kırıeshkı sekildi zattardy jeýdi toqtattym. Abaı atanyń óleńderin oqyǵanda ózimdi kórip turamyn. Ol kisiniń synap jazǵan óleńderi maǵan aıtqan sekildi kórinedi. Sondyqtan toqtamaı oqı bergim keledi. Buryn da kitap oqıtynbyz. Qazir maǵynasyn túsinip oqıtyn boldyq» deıdi balǵyn aktrısa.

Tarbaǵataı aýdanynda ǵana emes, oblystaǵy alǵashqy balalar teatrynyń ashylýyna, onyń osyndaı jetistikterge jetýine tikeleı muryndyq bolǵan Sháken Kópshikbaeva óner oshaǵy ıntellektýaldy urpaq tárbıeleýge zor úles qosyp jatqanyna qýanatyndyǵyn aıtty. «Teatrdyń ashylǵanyna alǵysyn aıtyp jatqan ata-analar kóp. Baıqaǵanymyz, teatrǵa qatysyp júrgen balalar aqyldy ári zerek. Qazir balalar turmaq, jastardyń kóbi durys sálemdesýdi bilmeıdi ǵoı. Bular ǵımaratqa kirgennen amandasady, keıbir jumystarymyzǵa kómektesedi. Eń mańyzdysy, qazaq ádebıeti, óner, mádenıet tarıhyn bile bastady. Aqyn-jazýshylardyń óleńderin oqyp qana qoımaı, olardyń kim ekenin tanı bastady. Qazirgi balalardyń kóbiniń este saqtaý qabileti nashar. Jattaı almaıdy. Teatrdaǵy balalar bul jaǵynan júıtkip tur» degen óner janashyry «Tamshy» balalar teatry uly Abaı shyǵarmalaryna negizdelgen «Maqsutym – til ustartyp, óner shashpaq» qoıylymyn aýdannyń búkil aýyldarynda arnaıy baryp, sahnalaǵanyn tilge tıek etti.

ajar

Taǵy bir erekshe atap óter dúnıe, teatrda balalardan quralǵan estradalyq vokal toby da bar. Top jetekshisi – bilikti maman, respýblıka boıynsha qosymsha bilim berý, óner, mýzyka mektepteriniń estradalyq vokal baǵdarlamasy metodıkasynyń avtory, Nur-Sultan qalasyndaǵy №1 mýzykalyq mektebinde, №2 óner mektebinde, «Qaraqat» stýdııasynda qyzmet istegen, Beıbit Qusanbaevtyń jary Ajar Jylqybaeva. Bul jerde balalar sahnada ózin ózi ustaı bilýdi, akterlik sheberlikti úırenedi.

 

«Basynda kredıti bar adammen jumys istegim kelmeıdi»

   «Tamshy» balalar teatrynyń 1 jyldyǵyna Nur-Sultan qalasynan Qazaq ulttyq óner ýnıversıtetiniń professory, rejısser Bekbolat Qurmanǵojaev, teatr jáne kıno akteri Ǵanı Quljanov pen Almatydaǵy Áýezov teatrynyń beldi akteri Dýlyǵa Aqmolda arnaıy kelip, balǵyn ónerpazdarǵa qoldaý bildirdi.

ǵanı

Izgi lebizderin aıtyp, ónerdegi bilgen-túıgenderimen bólisti.

bek

«Bizdiń bala kezimizde ár aýylda halyq teatry bar edi. Festıvalder jıi bolýshy edi. Qazir sol úrdis qaıtyp kele jatqandaı. Sol dástúr qaıta jandansa deımiz» dep saltanatty sharada sóz aıtqan Bekbolat Qurmanǵojaev teatrǵa 20 shaqty balalarǵa arnalǵan pesalar men qoıylymdar jınaǵyn tartý etti.

ǵa

Belgili akter Ǵanı Quljanov: «Elordadaǵy Jastar teatryna 7 jyl basshylyq jasadym. Beıbit Qusanbaev osy teatrdyń negizin qalaýshylardyń biri. Sonda rejısser boldy, onyń qoıǵan spektaklderi áli de júrip jatyr. Úıi de, kúıi de bar edi. Zamandasymyz sonyń bárin tastap elge keldi. Osyndaı tájirıbesi mol, bilikti mamandy qoldap, múmkindik bergen aqsýattyq aǵaıyndarǵa, ásirese Sháken apaıymyzǵa myń alǵys. Der kezinde qoldaý kórsetpegende bul teatr bolar ma edi, bolmas pa edi?!» dep lebizin jetkizdi.

dýlyǵa

Dýlyǵa Aqmolda: «Kózimiz kórdi, kóńilimiz toldy. Kishkene búldirshinderdiń úlken ónerge degen talpynysyn kórdik. Bul teatrdyń meni qýantqany, alǵashqy qadamdaryn Abaı atamyzdan bastaǵany. Bul - beker emes» dep rızashylyǵyn bildirdi.

Qurylǵanyna 1 jyl tolǵan balalar teatrynyń ázirge baǵyndyrǵan belesteri osyndaı. Al osy teatrdyń rejısseri Beıbit Qusanbaevtyń armany kóp, jospary da az emes. «Balalarmen jumys istegendi nege jaqsy kóremin? О́ıtkeni, balalar ótirik aıtpaıdy. Taza. Shynaıy. Temeki tartpaıdy, araq ishpeıdi. Basynda kredıti bar adammen jumys istegim kelmeıdi. Onyń ónerge degen oıy basqa. Balalar shynaıy aıtady, shynaıy sóıleıdi. Jalǵandyq joq. Meniń armanym – olardyń akter bolýy mindetti emes, qoǵamda tulǵa bolyp qalyptassa deımin. Maqsatym – qazaq eline adal qyzmet etetin azamat tárbıeleý. Osy oraıda Tarbaǵataı jerindegi qadamdaryma qoldaý bildirgen Sháken Kópshikbaevaǵa, jany jomart, kásipker azamattar, "Barqytbel nesıe" JShS tóraǵasy, óner, sport janashyry, aýdandaǵy ulttyq at sporty federasııasynyń tóraǵasy Saıat Sadýanov pen aýdanda ótetin halyqaralyq aıtystyń demeýshisi, óner, sport janashyry, "Máýlit" ShQ tóraǵasy Qaıyrly Qasenovke shynaıy alǵys aıtamyn» deıdi Beıbit Qusanbaev.

 Shyǵys Qazaqstan oblysy,

Tarbaǵataı aýdany,

Aqsýat aýyly

Sońǵy jańalyqtar

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Uqsas jańalyqtar