Bul zań jobalary jappaı qyryp-joıý qarýyn taratpaýǵa qatysty Qazaqstan Respýblıkasynyń halyqaralyq mindettemelerin saqtaýǵa baǵyttalǵan (BUU Qaýipsizdik Keńesiniń 1540 qarary) qarý-jaraq pen áskerı tehnıkany zańsyz satýǵa jol bermeýdi kózdeıdi (qarý-jaraq saýdasy týraly shart).
Qazirgi kezde zań jobalarynyń tujyrymdamalary Qazaqstan Respýblıkasy Úkimeti janyndaǵy zań jobalaý qyzmeti máseleleri jónindegi vedomstvoaralyq komıssııanyń 499-shy otyrysynda maquldandy.
Aıta ketý kerek, qoldanystaǵy "Eksporttyq baqylaý týraly" Qazaqstan Respýblıkasynyń Zańy 2007 jyly qabyldanǵan bolatyn. 10 jyldan astam buryn qurylǵan qosarly jáne áskerı maqsattaǵy taýarlardy baqylaý júıesiniń qalyptasqan uıymdyq qurylymy men halyqaralyq standarttarǵa jaýap beretin tolyqqandy zańnamasy bar.
Qazirgi ýaqytta elimizde zań jobasynyń belgilengen normalaryn, sondaı-aq qosarly jáne áskerı maqsattaǵy taýarlar aınalymyn baqylaý salasyndaǵy qatynastardy retteıtin ózge de normatıvtik quqyqtyq aktilerdi qoldaný tájirıbesi jetkilikti jınaqtalǵan. Qos jáne áskerı maqsattaǵy taýarlardy baqylaý salasyndaǵy qoldanystaǵy zańnamanyń artyqshylyqtary men kemshilikteri anyqtaldy.
Sonymen qatar tez ózgerip jatatyn halyqaralyq ahýal jaǵdaıynda qosarly jáne áskerı maqsattaǵy taýarlardy baqylaýdyń ulttyq júıesi Normatıvtik-quqyqtyq bazany turaqty damytýdy jáne jetildirýdi talap etedi.
Qazirgi ýaqytta zań jobalary Qazaqstan Respýblıkasynyń múddeli memlekettik organdaryna kelisim jumystaryn júrgizý úshin joldandy.
