Qos sportshy da myqtylar sanatynan. Máselen, 27 jastaǵy Petr Iаn taekvondo, boks jáne djıý-djıtsýdy jetik meńgergen. 2007 jyldyń kókteminde ol ASA týrnırinde jeńimpaz atanyp, sol uıymnyń asa jeńil salmaqtaǵy altyn belbeýin ıelendi. 2018 jyldan beri UFC-de baq synap júr. Sol aralyqta alty jekpe-jek ótkizip, barlyǵynda jeńiske jetti. Al ózge promoýshnderdegi nátıjesin qosa alsaq, 15 básekede 13 ret basymdyq tanytqan eken.
31 jastaǵy Marlon Moraes brazılııalyq djıý-djıtsýdyń has sheberi. Erejesiz jekpe-jekti serik etkeli ol 30 kezdesý ótkizip, 23 ret jeńiske jetti. Alty márte utylyp, taǵy bir báseke teń aıaqtaldy. Byltyr eki ret aıqas alańyna shyqty. Sol aıqastarda Genrı Sehýdodan utylsa, Rafael Asýnsan men Joze Aldýdan aılasyn asyrdy.
