Aımaqtar • 05 Naýryz, 2020

Tennıs: Qazaqstan men Nıderland quramalary kúsh synasady

29 retkórsetildi

Juma jáne senbi kúnderi Nur-Sultanda tennısten Devıs kýbogynyń irikteý saıysynda Qazaqstan men Nıderland quramalary kúsh synasady. Osy sheshýshi synda jerlesterimizge qarsylas atanyp otyrǵan komanda jaıynda biz ne bilemiz?

Qyzǵaldaqtar eliniń ókilderi Devıs kýbogynda ótken ǵasyrdyń jıyrmasynshy jyldarynan beri baq synap keledi. Sol aralyqta olar 166 kezdesý ótkizdi. 74 ret jeńiske jetip, 92 básekede qarsylastaryna ese jiberdi. Eń úzdik nátıjege 2001 jyly qol jetkizdi. Aıtýly jarystyń bastapqy básekelerinde nıderlandyqtar Ispanııa men Germanııany qapy qaldyrdy. Bul saıystardyń ekeýinde de 4:1 esebi tirkeldi. Biraq jartylaı fınalda asa myqty Fransııa quramasyna ese jiberdi. Esep – 2:3.  

Byltyrǵy jyldyń qarasha aıynda Ispanııanyń bas shahary – Madrıdte ótken Devıs kýbogynyń fınaldyq kezeńinde Qazaqstan men Nıderland quramalary bir topqa túsken edi. Qos komanda arasyndaǵy tartys 2:1 esebimen otandastarymyzdyń paıdasynan sheshildi. Jekelegen saıystarǵa toqtalatyn bolsaq, Mıhaıl Kýkýshkın Botık van de Zandshýlpti utsa, Aleksandr Býblık Robın Haasege ese jiberdi. Al juptyq básekede bizdiń jigitter qarsylastardyń ýysynan jeńistiń julyp áketti. Alaıda aıtýly komandanyń ekeýi de sheshýshi tusta Ulybrıtanııaǵa jol berip, shırek fınalǵa shyǵa almady. 

Nur-Sultandaǵy dodada Nıderlandtyń týy astyna Robın Haase, Botık van de Zandshýlp, Tallon Grıkspýr, Jan-Jýlen Roıer jáne Ýesleı Kýlhof syndy oıynshylar óner kórsetedi. Búgingi tańda bul eldiń birde-bir ókili «TOP-150» tennısshisi qatarynda joq. Bul jaǵdaı aıtýly komandanyń asa azýly emes ekenin ańǵartyp turǵandaı.

Qazirgi kezde Nıderland quramasy sapyndaǵy oıynshylar arasynda eń úzdik nátıje Robın Haasege tıesili. ATR reıtınginde 162 orynda turǵan 32 jastaǵy Gaage qalasynyń týmasy kezinde 32 satyǵa (2012 jyly) deıin joǵarlaǵan. Ol «Úlken dýlyǵa» sanatyndaǵy týrnırlerdiń alǵashqy eki-úsh aınalymynan asa almaǵanymen, juptyq saıysta Aýstralııanyń ashyq birinshiliginiń fınalyna (2013) deıin jetti. 

Qyzǵaldaqtar eliniń ekinshi raketkasy, 24 jastaǵy Botık van de Zandshýlp úzdikter tiziminde 171 orynǵa jaıǵassa, 23 jastaǵy Tallon Grıkspýr 199 satyǵa taban tiredi. Al Jan-Jýlen Roıer men Ýesleı Kýlhoftyń jekelegen reıtıngteri tómen bolǵanymen, olar juptyq saıystyń has sheberleri ekenin jankúıerler jaqsy biledi. Máselen, Roıer Ýımbldon (2015) pen AQSh-tyń ashyq birinshiliginde (2017) jeńimpaz atanyp, Rolan Garrospen Aýstralııanyń ashyq birinshiliginde eki ret jartylaı fınalda óner kórsetti. Sonymen qatar, ol ATR týrnırlerinde 29 márte top jardy. Al Kýlhof bolsa, dúbirli dodalarda bes ret dara shyqty.

Mine, Nur-Sultanda jerlesterimiz osy komandamen kúsh synasady. Bul matchta Qazaqstan quramasy sapynda Aleksandr Býblık, Mıhaıl Kýkýshkın, Andreı Golýbev, Dmıtrıı Popko jáne Aleksandr Nedovesov óner kórsetedi. Osy memleket arasyndaǵy tartysta jeńiske jetken komanda Devıs kýbogynyń fınaldyq týrnırine joldama alady.

Sońǵy jańalyqtar

Almatyda onlaın jattyǵý ótedi

Sport • Búgin, 11:51

Túrkistan: Kásipkerlerdiń kómegi kóp

Aımaqtar • Búgin, 11:13

Naýqastyń jeke deregin kim taratty?

Aımaqtar • Búgin, 10:59

Jýrnalıst Amanhan Álimuly dúnıeden ótti

Rýhanııat • Búgin, 10:53

Qaıyrymdylyq aksııasynyń aýqymy keń

Aımaqtar • Búgin, 09:40

Shekteý sharalary qatań saqtalýy tıis

Koronavırýs • Búgin, 09:18

Meıirlannyń músinderi

Rýhanııat • Búgin, 08:05

Memleket basshysynyń qamqorlyǵy

Qoǵam • Búgin, 07:50

Kúı qudireti

Rýhanııat • Búgin, 07:43

Daýys galereıasy

Rýhanııat • Búgin, 07:39

Aq jeleńdilerge alǵys aıtty

Rýhanııat • Búgin, 07:35

El áńgimelerin ekshegen

Rýhanııat • Búgin, 07:28

Tórt túlik kóbeıse, toqshylyq keledi

Ekonomıka • Búgin, 07:26

Tarıhta qalǵan indetter

Tarıh • Búgin, 07:22

Nesıe tóleýdi toqtata turý tártibi

Ekonomıka • Búgin, 07:21

Onlaın oıynda jeńildi

Hokkeı • Búgin, 07:15

Uqsas jańalyqtar