Taǵaıyndaý • 05 Naýryz, 2020

Muhtar Áýezov teatryna jańa basshy keldi

1376 retkórsetildi

Búgin Mádenıet jáne sport vıse-mınıstri Nurǵısa Dáýeshov Muhtar Áýezov atyndaǵy Qazaq memlekettik akademııalyq drama teatry ujymyna jańa dırektordy tanystyrdy. Bul týraly teatrdyń áleýmettik paraqshasynda jarııalandy.

5 naýryzdan bastap teatrǵa ónertaný ǵylymdarynyń kandıdaty, Qazaqstannyń eńbek sińirgen qaıratkeri – Erkin Tileýqululy Jýasbek basshylyq etedi.

«Sáttilik tileımiz! Talaı jyl qyzmet etip, osy jerdiń ósý-órkendeýine atsalysyp kele jatyrsyz. Jalpy Qazaqstannyń teatr óneri salasynda eńbegińiz orasan zor. Sony mınıstrlik óte jaqsy baǵalap, ózińizge degen úlken jaýapkershilik, senim artyp, teatrdyń damýyna úles qosady degen nıetpen sizdi taǵaıyndaýdy jón dep sanady. Qyzmetińiz qutty bolsyn. Bul laýazymnan kóri, artylǵan jaýapkershiliktiń júgi aýyr. Ujymmen birge jemisti qyzmet eterińizge senemiz», – dep vıse-mınıstr jańa basshyǵa mınıstrliktiń tarapynan birneshe tapsyrma berdi.

Resmı taǵaıyndaýdan keıin, teatrymyzdyń abyzy, Qazaqstannyń Eńbek Eri Asanáli Áshimov sóz alyp, bylaı dedi: «Basshylyqqa rahmet. Erkin – ózimizde ósken, qyzmetin adal atqarǵan azamat. Teatrdy biledi. Aldaǵy ýaqytta abyroımen jumys isteıdi dep úmittenemiz». ⠀

Áýezov teatryna dırektor bolyp taǵaıyndalǵan jańa basshy ujymnyń aldynda sóz berdi:

«Sizdermen qatarlasa qyzmet istep, bar tájirıbem men bilimimdi osy teatrdyń abyroıyn asqaqtatýǵa salamyn degen sózime senýlerińizdi suraımyn. Maǵan senim bildirgen Mádenıet jáne sport mınıstri Aqtoty Raıymqulovaǵa rahmet! Osyǵan deıin qalaı jumys istesem, budan keıin de tereń, maǵynaly eńbek etýge tyrysamyn. Basqa aıtarym joq», - dedi teatrdyń jańa basshysy Erkin Jýasbek.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar