Prezıdent • 05 Naýryz, 2020

Qasym-Jomart Toqaev Birjan Nurymbetovti qabyldady

39 retkórsetildi

Memleket basshysy Qasym-Jomart Toqaev Eńbek jáne halyqty áleýmettik qorǵaý mınıstri Birjan Nurymbetovti qabyldady. Bul týraly Aqordanyń baspasóz qyzmeti habarlady.

Qasym-Jomart Toqaevqa mınıstrliktiń ataýly áleýmettik kómek berýdiń jańa tártibin júzege asyrý, kópbalaly otbasylarǵa tabys kólemine qaramastan járdemaqy berý, sonymen qatar, múmkindigi shekteýli azamattarǵa áleýmettik qoldaý kórsetý baǵytynda atqaryp jatqan keshendi sharalary jaıynda baıandaldy.

Prezıdentke «Eńbek» baǵdarlamasynyń iske asyrylý barysy, onyń ishinde, jaǵdaıy tómen jáne kóp balaly otbasylarǵa shaǵyn kredıt berý tártibi, jumys berýshilerdiń usynysy boıynsha bólinetin bilim granttary, jastardyń jańa jobalary týraly málimet berildi. Sondaı-aq, shet elden jumys kúshin tartý máselesi boıynsha Bas prokýratýramen birlesip júrgizgen tekserýlerdiń qorytyndysy jaıynda aıtyldy. Eńbek jáne halyqty áleýmettik qoldaý mınıstri Prezıdentke memlekettik qyzmetshilerdiń merekelerden keıin keletin demalys kúnderi jumysqa shyǵýy Qazaqstan zańnamasyna qaıshy emes ekenin jáne ózgertýler engizýdi talap etpeıtinin jetkizdi.

Memleket basshysynyń tapsyrmasy Eńbek kodeksin tolyq saqtaı otyryp, kezek kúttirmeıtin jáne mańyzdy mindetterdi oryndaý úshin «Qazaqstan Respýblıkasynyń Memlekettik qyzmet týraly» Zańǵa sáıkes oryndalady. Eńbek kodeksi boıynsha memlekettik qyzmetshiler jumysqa óziniń jazbasha kelisimimen shyǵady jáne olardyń bir kúndik jumysynyń eńbekaqysy keminde 1,5 ese kóleminde tólenedi.

Merekelerden keıin keletin demalys kúnderi jumysqa Prezıdent Ákimshiliginiń, Úkimettiń, ortalyq memlekettik organdar men basqa da vedomstvolardyń kezek kúttirmeıtin jáne mańyzdy mindetterge jaýapty qyzmetkerleri tartylady. Qasym-Jomart Toqaev Birjan Nurymbetovke ataýly áleýmettik kómek alatyn eńbekke jaramdy azamattardy jumyspen qamtýdyń naqty sharalaryn qabyldaýdy, az qamtylǵan otbasylardyń tabysyn arttyrýdy, múmkindigi shekteýli azamattarǵa áleýmettik qoldaý kórsetýdi tapsyrdy.

Sonymen qatar Prezıdent shet elden jumys kúshin tartý máselesin erekshe baqylaýda ustaý qajettigin basa aıtty.

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar